Sot në mëngjes vdiq artistja e njohur e teatrit dhe e kinemasë bullgare Stojanka Mutafova në moshën 97 vjeçe. Gjatë javëve të fundit ajo qe në spital pas problemeve të cilat i kishte me fshikëzën e tëmthit, të cilat kërkuan një operacion të ngutshëm.
Emri i vërtetë i artistes së madhe është Stojana, por pasi ka qenë i ngatërruar në afishen teatrale, ajo bëhet e njohur për publikun si Stojanka. Me talentin e saj të ndritshëm, me ndjenjën e humorit dhe me energjinë e saj të pashtershme Stojanka Mutafova gjeti vend në zemrat e bullgarëve të brezave të tërë. Agjencia “Reuters" e quan "mbretëreshën e komedisë bullgare". Pak para se të mbushë 95 vjeç, Stojanka Mutafova ishte kandidate për Rekord Botëror të Ginesit në kategorinë “Artistja më e moshuar e cila luan aktivisht në skenë”.
Për burimin e energjisë së saj të pashtershme në skenë ajo thotë: “Kështu kam lindur. Nuk kam synuar të jem energjike. Të jesh energjik, është një nga gjërat, për të cilat njeriu nuk i jep llogari vetes. I lë gjërat të ecin vetë, të të frymëzojnë, të të japin mësime, pa bërë plane paraprake”. Kurse pyetjes, kur mendon që të largohet nga skena, ajo përgjigjet, se do të pushojë së luajturi atëherë , “kur fillojnë t'u presin flokët milingonave, në një verë me diell jo ekzistuese”.
Artistja jonë e njohur ka lindur më 2 shkurt gjatë vitit 1922. Përfundon studimet e saj në degën e filologjisë klasike në Universitetin e Sofjes, kurse pas kësaj dhe shkollën teatrale shtetërore pranë Teatrit Popullor “Ivan Vazov” në Sofje dhe degën teatrale të Akademisë së Arteve në Prag të Çekosllovakisë. Që nga viti 1946 deri në vitin 1949 punon në një teatër në Pragë. Kthehet në Bullgari, ku debutimi i saj profesional është në skenën e Teatrit Popullor. Ka luajtur mbi 100 role teatrale. Ka marrë pjesë në disa nga filmat më të njohur e të shënuar bullgar:” Specialisti për gjithëshka”, “Ljubimec 13, “E ngrohtë” e të tjerë. Ka pjesëmarrje të shumta nëpër estradën në Bullgari dhe nëpër botë. Ajo është mes themeluesve të njërit prej teatrove më të njohur bullgar-Teatri i Satirës.
Përkulje para kujtimit të artistes së madhe Stojanka Mutafova – një nga simbolet e teatrit dhe të kinemasë bullgare!
Përpilues: Miglena Ivanova
Përgatiti në shqip: Nataniela VasilevaArti ka ekzistuar gjithmonë si një formë e të shprehurit përmes të cilit mund të shpalosim botën tonë të brendshme. Këtë ka bërë edhe artistja me origjinë bullgare Enxhi Tufa, e cila përmes ekspozitës së saj “Ëndërr mes fjalësh” ka shprehur vetveten,..
Nga data 1 deri më 5 qershor në Stara Zagora po mbahet edicioni i 11-të i Festivalit Ndërkombëtar të Filmit për Kinemanë e Re Evropiane “Bliri i Artë”. Do të shfaqen 50 filma nga 18 vende, duke përfshirë filma të regjisorëve Nuri Bilge Ceylan,..
Qyteti Vidin për të pestin vit radhazi është nikoqir i Summer Vibes Festival. Në datat 1 dhe 2 qershor pranë kalasë “Baba Vida” (“Gjysha Vida”) , fëmijët do të zbulojnë një mënyrë më të shëndetshme dhe jo më pak interesante për t'u..
Edicioni i dhjetë i festivalit Animaphix për filma të animuar në Siçili të Italisë, po i kushton një retrospektivë të veçantë krijuesit bullgar Teodor..