Përfaqësues të tetë kompanive amerikane vizituan Bullgarinë për të zhvilluar 70 takime në ndërmarrje bullgare. Këtë e bëri të ditur nëpërmjet profilit të saj në Facebook Ambasada e ShBA-së në Sofje.

Afaristët kanë marrë pjesë dhe në një forum, kushtuar problemeve të industrisë së mbrojtjes dhe sigurisë kibernetike, të organizuar nga Asociacioni i Biznesit të Evropës Qendrore dhe të SHBA-së. Në të morën pjesë dhe disa ministra nga kabineti bullgar.

U bë e qartë se kompani amerikane si “Lockheed Martin”,“Northrop Grumman”, “Oshkosh Defense”, Textron dhe IBM interesohen për prodhim të përbashkët të armëve dhe të teknikës luftarake në uzinat bullgare dhe për pjesëmarrje në tenderë për furnizim të armëve dhe teknikës luftarake për Ushtrinë Bullgare. Ministria e Punëve të Brendshme do të kërkojë ndihmën e biznesit amerikan në fushën e kontrollit të komunikacioneve dhe ndjekjes në implementimin e rrjetit 5G.