Nga data 12 dhjetor deri më 12 janar muzeu, i cili i kushtohet jetës së romakëve – Museo di Roma in Trastevere, në kryeqytetin italian do të jetë mikpritës i ekspozitës interaktive me titull “Bullgaria përmes qelqit të kohës”, mbështjellë nga aroma dehëse e trëndafilave bullgare. Vizituesit e shumtë e lagjes turistike Trastevere, ku gjendet muzeu, do të kenë mundësinë falas të shikojnë pllakat prej qelqi me tema nga jetesa bullgare nga fundi i shekullit të 19 dhe fillimi i shekullit të 20, të cilat u treguan me një sukses të madh në galerinë Kombëtare “Kuadrat 500” nga muaji shkurt deri në muajin prill të këtij viti. Mes eksponateve është dhe një fotoaparat i vjetër, një veshje autentike nga krahina e Rodopeve dhe një brez i punuar prej argjendi dhe i farkëtuar me dorë me një shtresë ari mbi të. Më marramendës është vetë instalimi, i krijuar nga piktorët Rumen Dimitrov dhe Gjeorgji Hristov, të cilët përmes animacionit dhe “3D mapping”-ut i bëjnë fotografitë me vendet emblematike bullgare të gjallërojnë. Ndjenja për Lugjinën e Trëndafilave është plotësuar me erën e vajit të trëndafilit, që vjen prej disa shisheve të vogla.
Posaçërisht për ekspozitën në Muzeun në Romë është krijuar një katalog me një link, i cili u lejon vizituesve të shikojnë përsëri ekspozitën. Kësaj radhe në mënyrë virtuale. Një nga të tria sallat, në të cilat është vendosur ekspozita, është e pajisur vilë “Veneciani”. Në të miqtë do të mund me qetësi të shikojnë “Thesari në zemër” – një film 20-minutash të Milena Kënevës dhe Irina Dillkovës, në të cilin Nadezhda Bliznakova tregon historinë e vet familjare dhe e përlotur rikujton disa fjalë bullgare. Ngjarja kulturore zhvillohet me ndihmën e Ambasadës bullgare në Romë dhe të Institutit Kulturor Bullgar dhe është një pjesë nga festimet për 140-vjetorin nga vendosja e marrëdhënieve diplomatike midis Italisë dhe Bullgarisë. Pritet që në hapjen e ekspozitës të marrin pjesë kryetarja e bashkisë së Romës Virginia Raggi dhe ministri i vlerave kulturore dhe i turizmit Dario Franceschini.
Përgatiti në shqip: Nataniela Vasileva
Foto: nationalgallery.bg
Një këndvështrim tjetër mbi shkencën e Arkeologjisë - si bazë për komunikim, ndarje publike të trashëgimisë evropiane dhe akses më të lehtë në të - jep iniciativa Ditët Evropiane të Arkeologjisë 2024, e cila zhvillohet në një sërë vendesh të kontinentit...
Me dëshirën për t'u hapur ndaj botës, pas viteve të gjata të izolimit në ish-kampin socialist, Bullgaria dhe Rumania u bashkuan në vitin 1994 në Organizatën Ndërkombëtare të Frankofonisë. Një nga vlerat kryesore të komunitetit frankofon është arsimi..
Nga data 8 qershor deri më 9 tetor, qyteti italian Rovereto pret ekspozitën ndërkombëtare “Të drejtat dhe dinjiteti i njeriut”. Edicioni i 18-të i sivjetshëm i ekspozitës tregon vepra tematike të artistëve nga 32 vende, përfshirë Bullgarinë. Artistja..
"Një zjarr i shuar shpesh rindizet falë prushit që ka mbijetuar." Me këto fjalë të ngrohta profesori i filologjisë sllave Krasimir Stançev ngjall shpresë..