Në emër të zëvendës kryeministres dhe ministre të punëve të jashtme të Bullgarisë Ekaterina Zaharieva konsulli i përgjithshëm i Bullgarisë në Çikago Ivan Ançev dekoroi me shenjen nderi “Dafinë të artë” sipërmarrësin dhe filantrop bullgar në ShBA Shefket Çapaxhiev. Ky është dallimi më i lartë i Ministrisë së Punëve të Jashtme dhe jepet për punën e tërësishme të Çapaxhievit në përkrahje të shtetasve bullgar në rajonin e Çikagos, për kontributin e tij për ruajtjen e kulturës dhe identitetit bullgar dhe në lidhe me jubileun e tij 80 vjeçar.

Shefket Çapaxhiev e braktisi ilegalisht Bullgarinë në vitin 1963 dhe një vit më vonë u vendos në Çikago. Ai është ndër dhuruesit e dy prej kishave bullgare në qytet – “Shën Sofia” dhe "Shën Ivan Rillski Çudibërësi”. Në mesin e viteve 90-të të shekullit të kaluar me mjete të veta krijoi qendrën e parë kulturore informative bullgare në Çikago. Financoi edhe botimin e gazetës së parë bullgare në qytet – “Bëllgaria”.