Në fund të dhjetorit 2019 interesat mbi depozitat dhe kreditë në Bullgari realisht janë negative, tregojnë të dhënat e Bankës Popullore Bullgare. Norma e interesit për depozitat është 0,2% në vit, kurse për kreditë – 4%. Në sfondin e inflacionit prej 3,8% gjatë vitit norma reale e interesit mbi depozitat për dhjetorin është negative: -3,6%. Ajo për kreditë është pothuaj zero.

Me normat e ulëta të interesit dhe menaxhimin e keq të financave personale humbim një pjesë prej kursimeve tona, tha për Radion Kombëtare Bullgare analisti i kredisë Tihomir Toshev.

Siguria e garantuar nga shteti për depozitat bankare deri më 100 mijë euro dhe interesi minimal qetësojnë bullgarët dhe shumica prej tyre nuk përdorin instrumente të tjera financiare.