20 veta të arrestuar janë të akuzuar për pjesëmarrje në një grup të organizuar kriminal në pikëkalimin “Kallotina”. Ndër ta është shefi i pikëkalimit, 4 policë kufitarë dhe 15 doganierë, tha zëdhënësja e kryeprokurorit Sijka Mileva. Grupi ka vepruar që nga fillimi i vitit 2019 në një hierarki të rreptë me në krye shefin e pikëkalimit. Të arrestuarit kanë shkelur ligjin duke marrë shuma të ndryshme nga shoferët që kanë kaluar përmes pikëkalimit – kryesisht shtetas turq. Ata kanë kërkuar para edhe nga shtetasit bullgarë, që kanë transportuar mallra ushqimore. Ryshfetet janë kërkuar që të mos kontrollohen mallrat e transportuara. Nëpunësit kanë grumbulluar mesatarisht nga 800 deri në 1000 euro për një ditë pune.