Radioja Kombëtare Bullgare © 2020 Të gjitha të drejtat janë të rezervuara

Turizmi ka nevojë për standarde të qëndrueshme dhe produkte tërheqëse

Foto: Marta Ros

Vendpushimet detare dhe malore në Bullgari janë destinacione të preferuara për turistët si nga shtetet  ballkanike fqinje, ashtu dhe nga vendet-anëtare të Bashkimit Evropian. Por që të mund të ruhet kjo tendencë tek ne janë të domosdoshme ndryshimesi në qëndrimin ndaj klientëve potencial, kështu dhe në cilësinë e produkteve dhe të shërbimeve turistike.

Kemi nevojë për standarde të qëndrueshme, të cilat t’i tërheqin njerëzit të kthehen në vendpushimet tona” – mendon përfaqësuesi i një platforme gjermane në internet për shërbime turistike tek ne Vlladimir Gjeorgjiev. Sipas tij –“çmimet e ulëta, natyra e bukur, plazhet e mira dhe të bukura dhe deti” janë gjëra që i tërheqin turistët gjermanë. Analizat e ministrisë së turizmit tregojnë se, gjermanët të cilët pushojnë tek ne janë kryesisht prej tre grupmoshave – të rinj deri më 25 vjeç, familje me fëmijë dhe njerëz të moshuar mbi 65 vjeç.

Mekanizmi për inkurajimin e turizmit të organizuar, të paraqitur gjatë muajit të kaluar nga Ministria e Turizmit, siguron një buxhet në përmasë të 5 milionë levave, i cili duhet t’i ndihmojë fushat e synuara të marketingut dhe shitjen e paketave turistike bullgare në Gjermani. Sipas menaxherit të përgjithshëm të Dhomës së Tregtisë Gjermani-Bullgari doktori Mitko Vasilev, ky mekanizëm  do të tërheqë  vëmendjen  e operatorëve turistikë gjermanë, që nga ana e vet zbulon mundësi për tërheqjen e klientëve të rinj.

Bullgaria duhet të forcojë bashkëpunimin e vet mbi projekte të ndryshme me fqinjën tonë perëndimore Maqedonia e Veriut, mendon Ljubço Janevski, drejtori i Agjencisë për Promovimin dhe Përkrahjen e Turizmit në Republikën e Maqedonisë së Veriut. Një nga hapat për këtë është krijimi i një lidhjeje më të mirë të transportit midis të dyja shteteve:

Gjatë muajve shtator-tetor 2020 presim fluturimet e para charter nga Sofja për në Ohër” – deklaroi përpara Radio Bullgarisë Ljubço Janevski. "Linja e shumëpritur ajrore Sofja-Ohër mund të garantojë një udhëtim shumë më të shpejtë dhe lidhje midis të dyja destinasioneve. Linja e re ajrore tanimë është e planifikuar në shërbimet e ofruara të njërit prej operatorëve të mëdhenj turistikë tek ne. Kështu, përveç vizitave tradicionale me autobusë, turistët bullgarë tanimë do të mund të shfrytëzojnë dhe linjën direkte të charterit. Shpresojmë që linja e re të jetë rentabile, që të mund fluturimet pak nga pak të vendosen gjatë gjithë stinës që nga muaji maj deri në muajin tetor ose të bëhen gjatë gjithë vitit.

Janevski vuri në dukje akoma se, çdo vit vendi i tij  llogarit  nga 10% deri më 15% rritje të turistëve bullgarë. Tërheqëse për ta janë shëtitjet nëpër liqenin e Ohrit, trashëgimia kulturore dhe turizmi kulinar. Turistët maqedonas nga ana e tyre e vizitojnë Bullgarinë për shkak të ski-qendrave dimërore Bansko dhe Borovec, si dhe vendpushimet të Detit të Zi. Shumë turistë  nga fqinja jonë perëndimore vijnë në kryeqytetin bullgar Sofja. Prandaj është me rëndësi të punohet për shkurtimin e kohës për udhëtim midis të dyja vendeve.

Më shumë nga rubrika

Kështjella antike Tuida në qytetin Sliven i përshtatet jetës së njerëzve

Qyteti Sliven njihet si qyteti i 100 vojvodëve. Ky vendbanim i Bullgarisë Juglindore ofron shumë fenomene interesante të cilat turistët mund të vizitojnë. Një nga objektet më tërheqëse është kështjella Tuida e cila ekzistonte këtu që në epokat e..

botuar më 20-03-29 11.25.PD

Shëtitjet virtuale – turizëm në kohën e COVID-19

Në kushtet e COVID-19 shumë muze dhe galeri ofrojnë shëtitje virtuale në faqen e tyre të internetit, që të mund të njihen “vizituesit” me koleksionet e tyre të pasura prej pikturash dhe artefaktesh derisa të jenë të mbyllur mes katër mureve pa pasur..

botuar më 20-03-27 10.56.PD

Kisha Shën Gjergji në fshatin Oreshevec - një destinacion i shkëlqyer për turizëm pelegrinazhi

Pavarësisht dhe me një paraqitje modeste, kisha “Shën Gjergji” në fshatin Oreshevec, në rrethin e qytetit Bellogradçik, tanimë dy shekuj me radhë i jep dritë secilit që ka kaluar pragun e kishës. Nga muret dhe nga kupola e kishës fytyrat e shenjtorëve..

botuar më 20-03-22 11.25.PD