Më 20 shkurt nga ora 19.00 në studion Nr. 1 të Radios Kombëtare Bullgare (BNR) do të mbahet koncerti i radhës i serisë “Big Bend Xhaz Akademia” – një prej projekteve të reja të Big Bendit të BNR-së, që filloi gjatë muajit janar të vitit 2019. “Xhaz Akademia” zbaton me sukses misionin e vet për të zbuluar talente të reja muzikore dhe t’u sigurojë jo vetëm mundësi për shfaqje, por edhe shans për të qenë solistë në radio-orkestrën prestigjioze me dirigjent Andoni Donçev.
Këtë herë fokusi është tek grupi SoulBmoll. Gjatë muajit maj të vitit 2019 në tregun muzikor u përhap albumi i tij i parë me 10 këngë origjinale. Në koncert muzikantët e rinj do të prezantojnë këngët e albumit të tyre të parë, por me orkestrim për big bend. Le të rikujtojmë se në edicionin e 50 jubilar të konkursit të BNR-së për këngë të reja bullgare “Pranvera 2019” një prej këngëve të SoulBmoll – “Ta ndalojmë kohën” u radhit ndër finalistët.
Që në fillim të vitit të kaluar grupi mori statujën e Çmimeve Vjetore të “BNR-së Top 20” për një prej singlave më të suksesshëm në klasifikim. Mentori i grupit është Velisllav Stojanov – trombonist virtuoz dhe kompozitor i talentuar, një prej muzikantëve më të shquar dhe më të kërkuar bullgarм. Ai do të jetë gjithashtu dirigjent i koncertit të ardhshëm.
Redaktore: Allbena Bezovska
Përgatiti në shqip: Vesella Mançeva
Nga 11 deri më 14 korrik edicioni i dytë i Jazz and Art Festival në Oreshak, mbledh së bashku interpretues nga Kuba, Argjentina, Kina, Brazili, Serbia, Franca dhe Bullgaria, njoftoi Ivanka Xhabraillova, menaxhere e Ekspozitës Kombëtare të..
Lili Ivanova është prima e padiskutueshme e muzikës bullgare. Përveç talentit, disiplinës dhe përkushtimit, pas dekadave në krye qëndron edhe zgjedhja e saj e muzikantëve më të mirë me të cilët këngëtarja ka punuar ndër vite. Para pak..
Projekti "Dashuri dhe këngë" takon në skenë breza artistësh të dashur bullgarë, të cilët ndër vite krijuan hite në stile të ndryshme muzikore. Grupi “Diana Ekspres” , i cili feston 50 vjetorin në skenë, vëllezërit Argirovi , legjenda e..
"Fyelli është një instrument që ka tingëlluar gjithmonë rreth meje që nga fëmijëria. Mbaj mend mbledhjet familjare në Stara Zagora çdo të shtunë, në ditë..