Bashkësia më e madhe bullgare përtej kufirit është në Gjermani. Sipas të dhënave të përafërta të Ministrisë së Punëve të Jashtme nga viti 2019 bashkatdhetarët tanë në këtë vend numërojnë 416 mijë veta. Numri në rritje i emigrantëve nga Bullgaria bëhet shkak për hapjen e shkollave të reja të së dielës në këtë vend. Kjo për arsye se ata bullgarë të kenë mundësi të mësojnë gjuhën amtare. Tani në provincat gjermane ka 38 shkolla bullgare gjithsej, përderisa para dhjetë vitesh ato ishin vetëm 6.
Një nga vatrat, e cila bashkon bullgarët në Gjermani, Belgjikë dhe Niderlandë është Qendra Kulturore dhe Arsimore Bullgare në Aachen të provincës Reini Verior – Vestfali. Ajo u themelua para tre vitesh nga ish studentë në Gjermani, të cilët u vendosën për punë dhe jetë në këtë krahinë. Pranë qendrës ka edhe një shkollë bullgare me mësimdhënien e gjuhës amtare, të diturive për atdheun dhe të historisë.
"Mendojmë se krahas gjuhës bullgare fëmijët duhet të njohin traditat dhe kulturën bullgare – thekson Dobromir Mashev, kryetar i qendrës. – Ideja jonë ishte që fëmijët duke mësuar të grumbullojnë edhe një bazë të qëndrueshme diturish. Ja përse nuk krijuam vetëm shkollë bullgare, por qendër kulturore dhe arsimore."
Ideja lindi një ditë kur familjet bashkë me fëmijët e tyre u mblodhën për të punuar verore me rastin e 1 Marsit. Që atëherë bullgarët e tri shteteve të lartpërmendura kalojnë bashkë festat e mëdha dhe afirmojnë praninë e vet si bashki duke organizuar Ditë të Kulturës Bullgare, Ditë të Popujve në Aachen e kështu me radhë. Përveçse të bashkojnë bullgarët mbi bazë të gjuhës amtare, në qendër punojnë edhe për integrimin e tyre në familjen e madhe evropiane së cilës i përkasim të gjithë.
"Ky është një nga qëllimet tona kryesore – është kategorik kryetari i qendrës. – Fëmijët bullgarë që linden dhe rriten në Gjermani duhet të dinë rrënjët e tyre. Në se ato rrënje janë të shëndosha dhe të forta ato mund të zhvillohen. Dhe pavarësisht ku ndodhemi, sepse disa milion bullgarë jetojnë kudo në botë, me rëndësi është të ruajmë traditat."
Konkursi Ndërkombëtar “Az Buki Vedi” është veprimtaria të cilën fëmijët e shkollave bullgare të së dielës në Gjermani presin me padurim. Edicioni i sivjetshëm do të mbahet më 21 qershor në Aachen.
"Fëmijët janë shumë të motivuar sepse kanë mundësi të tregojnë se çfarë e kanë mësuar në shkollat bullgare të së dielës – tregon Dobromir Mashev. – Konkursi është për lexim dhe është shumë prestigjioz, sepse në jurinë ftojmë gjuhëtar dhe pedagogë nga Universiteti i Sofjes “Shën Klimenti i Ohrid”. Çdo fëmijë merr një certifikatë për pjesëmarrje. Krahas kësaj zgjidhen mbret dhe mbretëresha e germave. Fëmijët janë shumë të entuziazmuar sepse dëshirojnë të tregojnë më të mirën, të cilën e kanë mësuar. Duke u kthyer në shkollat gjermane ku mësojnë çdo ditë ata u tregojnë bashkënxënësve për këtë veprimtari. Në këtë mënyrë zgjerohet pjesëmarrja e fëmijëve nga kombe të ndryshme. Për më tepër se vitin e ardhshëm konkursi për herë të parë do të dalë jashtë kufijve të Gjermanisë dhe do të mbahet në Londër të Britanisë së Madhe."
Përgatiti në shqip: Svetllana Dimitrova
Foto: bg-euregio.de
Në ditët më të nxehta të verës, anëtarët e Organizatës “Greenpeace” udhëtojnë në të gjithë vendin për të treguar se sa nxehtë është në mjedisin urban. Me ndihmën e kamerave termike zbulojnë temperaturën përreth ndërtesave, e cila në qytete si Plovdiv..
“48 orë Varusha-jug” mbahet në periudhën nga 16 deri më 18 gusht në qytetin Veliko Tërnovo. Festivali paraqet mundësitë e lagjes për kulturë, sport, aktivitete për të gjithë familjen, lidhje me natyrën, veprimtari edukative. Ngjarja është një nismë e..
Nxënësit e tri shkollave bullgare në Itali krijuan atlasin e parë të këtij lloji për vëllezërit e shenjtë Kirill dhe Metodij . Projekti realizohet në kuadër të Programit Kombëtar "Histori të patreguara të bullgarëve" të Ministrisë së Arsimit,..