Tani për tani rastet e koronavirusit në Bullgari mbeten 7, tha gjenerali Vencisllav Mutafçijski – shef i Shtabit Operativ Kombëtar. Për 24 orët e fundit janë analizuar 136 prova gjaku. 1 prej tyre është pozitive – e një mjeke 62 vjeçe, për të cilën tashmë u njoftua. Mbetet kritike gjendja e një burri 74 vjeç me koronavirus në kryeqytet. Në mesnatë Hekurudhat Turke shpallën se përkohësisht ndalohen trenat në linjën e rregullt Stamboll – Sofje. Mbetet i hapur trafiku tokësor në Kapëkule – Kapitan Andreevo. Serbia lejoi kalimin e mbi 50 kamionëve bullgarë, të cilët ishin bllokuar në kufirin me Kroacinë, bëri të ditur Ambasada bullgare në Beograd. Në kufirin me Maqedoninë e Veriut udhëtarët që kanë mbërritur nga destinacione me rrezik potencial, tashmë mund të kalojnë vetëm përmes pikëkalimit Gjueshevo – Deve Bair.