Në një briefing në Këshillin e Ministrave u njoftua se tashmë ka filluar punë një Qendër e sapothemeluar Logjistike për menaxhimin e furnizimeve të lidhura me koronavirusin. Është krijuar një organizatë për furnizime të veshjeve të mbrojtjes, maskave dhe mjeteve të tjera mbrojtëse. Qendra ndihmohet nga një ekip prej shkencëtarësh, matematikanësh, specialistësh të statistikës nga Akademia Bullgare e Shkencave, të cilët sigurojnë të dhëna dhe prognoza në kohë reale. Sipas modeleve matematike të përpunuara nga shkencëtarët masat e ndërmarra për kufizimin e përhapjes së koronavirusit tashmë japin rezultat dhe në qoftë se karantina respektohet në kuadrin e dy javëve mund të vëzhgohet ulje e rritjes së të sëmurëve, ndërsa në kuadrin e dy-tre muajve epidemia mund të kufizohet.