Presidenti Rumen Radev vendosi veto mbi Ligjin e Gjendjes së Jashtëzakonshme me motivet se me të imponohen masa jo adekuate kundër koronavirusit. Bullgarët kanë nevojë jo për kërcënime, por për përkrahje. Kreu i shtetit bëri thirrje të ndërmerren masa kundër spekulimeve me mjetet mbrojtëse, por të mos kufizohet biznesi. Betejat nuk fitohen me frikë. Bllokada totale vetëm do të thellojë krizën. Nuk ka përcaktim se çfarë është informacion i rremë. Imponohet vetë censurë dhe kufizohet liria e fjalës. Kufizimet mbeten në fuqi edhe pas përfundimit të gjendjes së jashtëzakonshme. Ushtria ngarkohet me detyra jashtë autorizimeve të saj kushtetuese. Ligji përmban propozime të panevojshme, mendon presidenti. Kryeministri Bojko Borisov shpalli, se qeveria krijon një Këshill të Ekspertëve Mjekësorë për shkak të COVID-19. Ai do të ndihmojë ministrat në marrjen e vendimeve ekonomike dhe sociale.