Radioja Kombëtare Bullgare © 2020 Të gjitha të drejtat janë të rezervuara

Biznesi në kushtet e COVID-19

Foto: BGNES

Në kushtet e krizës që filloi pas shpalljes së gjendjes së jashtëzakonshme në vend më 13 mars të këtij viti biznesi bullgar demonstron solidaritet dhe përgjegjësi sociale çdo ditë, megjithë dëmet që pëson.

Edhe në këtë situatë mbetet në fuqi rregulli se së pari duhet ta rregullosh shtëpinë e vet para se të fillosh ta rregullosh botën. Prandaj edhe detyra e parë e punëdhënësve ishte për të livruar resurse të konsiderueshme për ruajtjen e kapitalit të vet njerëzor, i cili është aktivi më i vlershëm i biznesit. Pothuajse kudo në vend firmat e vogla, të mesme dhe të mëdha kujdesen për shëndetin e nëpunësve të tyre. Jepen falas maska, doreza, veshje mbrojtëse, dezinfektues, vitamina, ujë mineral, pije të ngrohta. Dhomat e punës dezinfektohen rregullisht dhe bëhet çmos për kufizimin e kontakteve sociale. Punonjësit kanë të drejtën të punojnë në shtëpi. Kur puna nuk mund të kryhet pa praninë fizike të nëpunësit atëherë respektohen shumë strikt masat e shpallura nga qeveria.

Mirëpo, përgjegjësitë sociale të biznesit bullgar nuk janë vetëm ndaj nëpunësve të tij. Ai shfaq përgjegjësi për gjithçka që ndodh në vend për shkak të pandemisë.Kriza ekonomike që tashmë filloi kufizon konsiderueshëm mundësitë financiare të ndërmarrjeve, por megjithatë ato i vazhdojnë fushatat bamirëse. Livrohen para për personelin mjekësor, për blerjen e respiratorëve në spitale, për furnizimin e laboratorëve të rinj, për teste për diagnostikimin e koronavirusit, për remontet dhe riorganizimin e spitaleve dhe klinikave. Dhuratat e biznesit vetëm për rreth dhjetë ditë arritën 2.7 mln euro. Iniciatorët kryesorë janë tri spitale në Sofje – “Aleksandrovska”, “Pirogov” dhe Akademia Ushtarake Mjekësore. Mirëpo, edhe në rajonet e tjera të vendit biznesi nuk është indiferent ndaj ngjarjeve. Në shumë qytete organizatat ekonomike vendase u mobilizuan që të ndihmojnë spitalet dhe familjet nevojtare.

Shumë firma riorganizuan prodhimin e vet duke filluar të prodhojnë mjete mbrojtëse. Në Bullgari industria e tekstilit është zhvilluar shumë mirë dhe disponon një kapacitet të madh. Pikërisht këto ndërmarrje filluan të prodhojnë maska, syze, veshje mbrojtëse për popullsinë dhe për personelin mjekësor, i cili “lufton” në linjën e parë kundër COVID-19.


Organizatat e punëdhënësve propozuan krijimin e një Këshilli Ekonomik të Krizës, i cili ta ndihmojë qeverinë me këshilla dhe rekomandime kompetente dhe të koordinojë punën e rretheve afariste në drejtimet më të rëndësishme.

E gjithë kjo tregon se fitimi nuk është gjithmonë në vend të parë. Përkundrazi. Në rast nevoje interesat e drejtpërdrejta ekonomike mbeten në plan të dytë, që të zëvendësohen nga përgjegjësia sociale dhe solidariteti.

Përgatiti në shqip: Vesella Mançeva

Foto: BTA, BGNES

Më shumë nga rubrika

Projektbuxheti për vitin 2021 – shumë shpenzime dhe pikëpyetje

Projetkbuxheti për vitin 2021 shkaktoi shumë reaksione dhe pyetje nga financierët në vend. Ndoshta më ekstrem ishte vlerësimi i ish-Ministrit të Ekonomisë Nikollaj Vasilev , i cili në një intervistë për televizionin bTV e quajti kornizën e ardhshme..

botuar më 20-10-26 12.41.MD
Kirill Ananiev

Më se 3 miliard leva për krizën Covid parashikohen vitin e ardhshëm

Ministri i financave Kirill Ananiev caktoi buxhetin e vitit 2021 si “antiepidemik”. “Në të ka prioritete të qarta të orientuara te masat për kapërcimin e pasojave nga kriza” shpjegoi ai para BNR. Ananiev tha se buxheti është i balancuar midis..

botuar më 20-10-25 1.37.MD
Lëçezar Bogdanov

Sipas ekonomistit Lëçezar Bogdanov në buxhet nuk është e qartë se çfarë politika qëndrojnë prapa shpenzimeve

“Në buxhet theksi nuk vihet mbi efikasitetin e harxhimeve dhe mbi arritjen e qëllimeve të caktuara”, komentoi për BNR ekonomisti Lëçezar Bogdanov nga Instituti i Ekonomisë së Tregut. Sipas tij problemi më i rëndësishëm i buxhetit është se nuk..

botuar më 20-10-25 1.24.MD