Një jetë e tërë e cila i kushtohet muzikës tradicionale të krahinës së Dobruxhës – këto fjalë më saktë e përshkruajnë kontributin krijues të kompozitorit tonë të njohur dhe dirigjent Petër Krumov.
Përkushtimin e tij në shërbim të trashëgimisë së krahinës së Dobruxhës (Bullgari Verilindore) mund ta shikojmë në qindra këngë për ansamblet e dhomës, pjesa orkestrale, vepra për shfaqje muzikore dhe të vallëzimit. Shumë prej tyre janë për repertorin e ansamblit “Dobruxha” (qyteti Dobriç), të drejtuar nga Petër Krumovi në vazhdim të 25 vjetëve (1957-1982). Nën drejtimin e tij si dirigjent janë realizuar qindra incizime në Radio Varna. Kurse në fonotekën e Radios Kombëtare Bullgare ruhen afro 500 kompozicione të tij. Krijimtarinë e tij ai e plotëson me publikime të shumta në fushën e kritikës muzikore dhe të historiografisë. Janë shumë mirë të njohur dhe librat e tij: “Interpretues të krahinës së Dobruxhës përpara mikrofonit”, “Dobuxha ime”, “Në vetmi me.....”, “Trashëgimia”. Kurse përmbledhjet me këngë popullore nga rrethet e Dobriçit dhe Silistrës, “Stamatka Kirillova-100 këngë nga Dobruxha e Veriut”, “Maria Rajkova-këngë nga rrethi i qytetit Shumen”përfshijnë këngë me nota me udhëzues për përkatësinë stilistike, si dhe studime shkencore mbi materialin muzikor.
“Kënga popullore hyri në jetën time relativisht vonë, por ama mbeti aty përgjithmonë” – thotë Petër Krumov dhe vazhdon: “Deri në vitin e katërt në Akademinë Muzikore në Sofje, duke bërë studime në specialitetin e dirigjimit koral tek profesori Gjeorgji Dimitrov, unë isha një ithtar i zjarrtë i klasikes, madje ekzekutoja në orkestrën simfonike në qytetin Dobriç. Por, më dërguan në Ansamblin Kombëtar për Këngë dhe Valle Folklorike “Filip Kutev” – për stazhin e detyrueshëm për të gjithë studentët - dirigjentë. Dhe kështu fillova punë me folklorin tonë, për të cilën jo se nuk më vjen keq, por dhe krenohem. Tamam 25 vjet stazh pune kam në ansamblin “Dobruxha”, i cili nga një trupë amatore instrumentale dhe të vallëzimit u kthye në një grup profesional. Gjatë viteve ansambli arriti shumë. Një pjesë nga sukseset e tij janë për shkak të Radios Kombëtare Bullgare. Një nga detyrat e mia qe repertori i grupit të jetë nga krahina e Dobruxhës. Muzikantët në orkestër qenë djem të talentuar, por pa asnjë përgatitje muzikore, pa i njohur dhe i dalluar notat. Jam shumë mirënjohës se qenë njerëz të mirë dhe shumë të njerëzishëm dhe bashkë mundëm të arrijmë sukses.
Këto 25 vjet në ansamblin “Dobruxha” qenë një ecuri e vazhdueshme përpara dhe përpjetë. Kur ika nga grupi, u përqendrova mbi mbledhjen dhe grumbullimin e këngëve. Kuptova se e kisha lënë pas dore muzikën instrumentale dhe tashmë kishte ardhur koha për t’u marrë me të. Kjo është muzika e valleve të krahinës së Dobruxhës, të cilat qyhen “sborenka”, “opas”, “padllash”, “rëçenik” – tepër karakteristike për krahinën tonë. Unë qesh iniciator i disa tubimeve me karakter konkursi për njerëzit e rinj. Një prej tyre mban emrin e këngëtarit të madh Ivan Gjeorgjiev. Unë organizova dhe festivalin “Ditët folklorike të Dobruxhës”, i cili ekzistonte 5 vjet. Në librin tim të fundit “Dobruxha Ime” shkrova se, pavarësisht se kam lindur në një qytet tjetër, dhe deri më sot jetoj në Dobriç. Kur erdha këtu, akoma nuk e dija se do ta përkushtoja të gjithë jetën time folklorit të kësaj krahine. Duke u zhytur në këtë atmosferë të shkëlqyer, i thashë vetes: ”Shikoje këtë rrafshinë, shiko pafundësinë, e cila hapet dhe shtrihet përpara teje, shiko pafundësinë, e cila nuk mund të arrihet dhe do të kuptosh, se ia vlen të punosh për të.”
Përgatiti në shqip: Nataniela Vasileva
Tashmë katër dekada, grupi “Atllas” na ofron muzikën e tyre. Kënga e tyre e fundit me titullin "O-oooh!" është dinamike, me një tingull karakteristik të stilit new wave dhe një linjë melodike. Kënga është singëli i dytë nga albumi që “Atllas”..
Angell Prodanov - Aço është gati 30 vjeç, dhe ndonëse që në fëmijëri luan piano dhe studion solfezh, ai ka rreth shtatë vjet që merret me muzikë profesionalisht. Ka marrë pjesë në disa programe televizive dhe në vitin 2020 në “Zëri i Bullgarisë”..
Vera është stina në të cilën zhvillohen festivalet më të shumta dhe të larmishme. Njëri prej tyre fillon sot, më 23 gusht, në Sevlievo. Aty, që nga viti 2017, kalaja "Hotaliç" është shndërruar në një skenë ku performojnë grupet vendase të rock-ut...
Autor i muzikës, tekstit dhe aranzhimit është Dimitër Bodurov, një burrë nga një vendbanim i vogël që u vendos për të jetuar në qytetin Stara Zagora..
Grupi “Ostava” e ka bërë traditë që në fillim të shtatorit të festojë ditëlindjen me një koncert në “Majmunarnika” – një vend i njohur në qendër të..