Shqetësimet kryesore të bullgarëve sa i përket epidemisë së koronavirusit deri tani ishin lidhur kryesisht me shëndetin e njerëzve, derisa tani theksi bie mbi ekonominë. Fakti se frika për shëndetin tani është në vend të dytë është për shkak të veprimeve të ndërmarra nga shtabi operativ dhe të rregullave që duhet t’i respektojmë. Ky është përfundimi i analizës së agjencisë sociologjike Market Links, të zhvilluar në periudhën 27-30 mars.

Mbi 90% prej të anketuarve kanë deklaruar se shqetësohen për gjendjen e ekonomisë, 56% prej bullgarëve mendojnë se vendi i tyre i punës nuk është i sigurt, 80% presin ndikimin negativ të krizës mbi financat e familjeve të tyre.