Shtabi Operativ Kombëtar për Covid-19 njoftoi në orën 08.00, orë lokale, se brenda 24 orëve të fundit u zbuluan 16 raste të reja të sëmundjes nga 496 teste të realizuara. U hospitalizuan 6 veta. Numri  i përgjithshëm i të sëmurëve bëhet 581. Kështu më 8 prill rritja e numrit të përgjithshëm të të sëmurëve në krahasim me ditën e mëparshme, 7 prill, është 2.8 për qind. Vetëm për krahasim më 7 prill rritja ishte 4.6 për qind në krahasim me 6 prillin. Nuk ka krahina të reja të prekura. Rastet e reja janë në qytetet Sofje – 11, Stara Zagora – 3, Kërxhali -  1, Pllovdiv – 1. Personeli i infektuar mjekësor është 32 veta, ose 5.5 për qind nga të gjithë të sëmurët. U shëruan 42 veta. Të  vdekurit janë 23 ose 3.9 për qind me moshë mesatare 65 vjeç.