“Fakti se dy muaj pas fillimit të gjendjes së jashtëzakonshme qeveria nuk di numrin real të të infektuarve dhe të shëruarve nga koronnavirusi në vend, tregon sa keq është menaxhuar kriza”. Ky është mendimi i Kryetarit të Qendrës për Mbrojtjen e të Drejtave në Shëndetësi Stojço Kacarov, i cili është ish zv. ministër i shëndetësisë. Para mikrofonit të BNR-së ai tha se aktualisht sistemi i shëndetësisë nuk është mbingarkuar, përkundrazi – nuk funksionon normalisht.

Studimi krahasues mes 10 vendeve nga BE-ja tregon se ashpërsia e masave nuk është lidhur me numrin e të infektuarve dhe të të vdekurve me diagnozë Covid-19. Disa shtete me masa më të lehta, si Gjermania dhe Suedia, kanë më pak njerëz të infektuar dhe të vdekur për frymë të popullsisë në krahasim me shtetet, ku masat janë drastike – Italia, Spanja dhe Franca. Me rëndësi kryesore është mënyra e analizave dhe në se testohen vetëm njerëzit që kanë kontaktuar me të sëmurë, apo vetëm njerëzit me simptoma, tha eksperti.