Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Në kohën e pandemisë...

Furnizim i librave në shtëpi...

Foto: BGNES

Njeriu nuk ka vetëm nevoja trupore, por edhe shpirtërore. Këtë e dinë ata njerëz të cilët u përkushtuan librave dhe pranuan për mision të vet të jenë mbrojtës të tyre dhe të na inkurajojnë të zbulojmë gjithësi të panjohura.

Pas përfundimit të gjendjes së jashtëzakonshme bibliotekat hapën dyert e tyre. Mirëpo kishte një bibliotekë, ajo në qytetin Veliko Tërnovo, e cila edhe në ditët e izolimit u livronte lexuesve të vet librat e preferuara prej tyre.

“Eksperimenti ishte i suksesshëm – tregon docentja Kalina Ivanova, drejtoreshë e Bibliotekës Regjionale “Petko R. Sllavejkov” për idenë e institucionit t’u dërgojë libra lexuesve të vet në kohën e pandemisë. – Deshëm t’u ndihmojmë lexuesve tanë, sepse nuk mjafton të sigurojmë resurse online dhe katalogë elektronikë. Ngandonjëherë njerëzit kanë nevojë të lexojnë librin e preferuar. Aksionet tona për furnizimin e librave në shtëpi u realizuan 8 herë nga 16 prill deri më 8 maj. Gjatë kësaj periudhe arritëm t’u sjellim 215 lexuesve 1100 libra.”

  kur u lejua frekuentimi i bibliotekave për 4 ditë erdhën 555 lexues për të kërkuar libra, thekson drejtoresha. Mirëpo, kjo mezi është një gjë e pazakontë pasi biblioteka në qytet është një depo shpirtërore që prej kohe.

Biblioteka Regjionale në qytetin Veliko Tërnovo zgjodhi për patron të vet letrari ndriçimtar dhe politikan Petko R.Sllavjekov që në mesin e shekullit të kaluar. Mirëpo, duhet të theksohet që ajo u krijua që në vitin 1889 si institucioni i tretë për nga rëndësia në vend pas Bibliotekës Kombëtare në Sofje dhe Bibliotekës Popullore të qytetin Pllovdiv. Njeri prej drejtorëve më të dalluar të saj Mosko Moskov e hodhi themelet e fushatës bamirëse për grumbullimin e librave dhe dorëshkrimeve të vlefshme të shtypura. Për herë të parë ato u prezantuan para publikut të gjerë në vitin 1940.  Në koleksion që përmban 1200 ekzemplarë përfshihen dorëshkrimi “Triodioni i Agjërimit”, Libri i parë i shtypur bullgar “Nedellnik”, që përmban predikime të së dielës dhe të festave të mbledhura nga Sofronij Vraçanski  (viti 1806), botimi i parë i “Abetares së Peshkut” nga Petër Beroni (viti 1824).

Përveçse të pasurojë fondet dhe të sigurojë libra për lexuesit, institucioni realizon dhe shumë veprimtari të tjera si për shembull: fushata verore “Eja në bibliotekë” për inkurajimin e fëmijëve të lexojnë, panairi letrar “Salla e librit me autograf”, i cili sivjet do të mbahet nga 25 maj deri më 10 korrik nëpërmjet bisedave online me autorët, programi “Evropa kreative”.

“Theksi i këtij programi vihet mbi barazinë e sekseve dhe mbi mungesën e kufizimeve në zgjedhjen e profesionit – tregon docent Ivanova. - Për këtë qëllim përgatitëm një katalog online dhe bibliografi mbi temën. Megjithëqë në projekt ekzistonte fjalën “gender”  dhe për këtë arsye ai u prit me një farë rezistence, pasi kolegët panë se fëmijët shfaqin interes të lexojnë mbi këtë temë, u qetësuan.”

Në përfundim drejtoresha e Bibliotekës Kalina Ivanova me pak hidhërim tha:

“Për fat të keq baza materiale e bibliotekës sonë është tradicionale dhe nuk ka hapësira të mëdha, ku lexuesi mund të hutohet. Mirëpo, ka kënde të tilla tërheqëse në të cilat shpesh mund të shihet ndonjë lexues i zhytur në librin e zgjedhur.”

Përgatiti në shqip: Svetllana Dimitrova

Foto: Biblioteka Regjionale në qytetin Veliko Tërnovo dhe arkiv




Последвайте ни и в Google News Showcase, за да научите най-важното от деня!

Më shumë nga rubrika

U dhanë çmimet vjetore teatrore “Ikarus”

Në Ditën Botërore të Teatrit - 27 mars, në një ceremoni në Teatrin Popullor "Ivan Vazov", u dhanë për të 50-tën herë çmimet e artit skenik "Ikarus". "Haga" u shpërblye për performancën më të mirë. Krijuar nga autorja ukrainase Sasha Denisova dhe..

botuar më 24-03-28 9.31.PD

"Nga gazeta në muze" - karikaturat nga socializmi, të mbledhura në një ekspozitë

Një përpjekje për të rikthyer zhanrin e karikaturave në kushtet e sistemit totalitar të qeverisjes në Bullgari midis viteve 1944 dhe 1989 po bën ekspozita “Nga gazeta në muze”, e cila për të pestin muaj tashmë po tërheq vizitorët në Muzeun e Artit nga..

botuar më 24-03-23 9.30.PD

“Sofia Film Fest” viziton sërish Varnën

Më 22 mars, me filmin bullgar "Kurthi", në kryeqytetin tonë detar Varna fillon edicioni i XV-të i "Sofia Film Fest", njoftojnë organizatorët nga "Artin Vision". Nga  22 deri më 30 mars, adhuruesit e artit kinematografik në Varna mund të shohin një..

botuar më 24-03-22 6.55.PD