Poeti bullgar Zahari Ivanov, një nga themeluesit dhe kryetar i Asociacionit të Shkrimtarëve të Evropës Juglindore mori dekoratën e dhjetë “SEE personality award 2020” të festivalit ndërkombëtar të artit kinematografik “South East European film festival – SEE A PARIS FF”. Çmimi është një vlerësim i lartë për kontributin e tij për afrimin e kulturave të popujve ballkanikë.

Për kontributin e përgjithshëm në kinemanë ballkanike çmimin e karrierës e mori shkrimtari bullgar Anzhell Vagenshtajn. “SEE A PARIS FF” është festivali më i madh i artit ballkanik në Evropën Qendrore dhe Perëndimore, i cili zhvillohet çdo vit në Paris dhe Berlin. Ai tregon më të mirën e kinemasë ballkanike tashmë 10 vjet me radhë.

Mbajtës të çmimeve të festivalit janë artistë të shquar ballkanikë, ndër të cilët është aktorja jonë Cvetana Maneva.