Gjendja e jashtëzakonshme epidemike në Bullgari do të zgjatet me 15 ditë deri në fund të qershorit, bëri të ditur në një briefing të jashtëzakonshëm Kryeministri Bojko Borisov. Mirëpo, masat nuk do të shtrëngohen. Mbetet në fuqi detyrimi i pasagjerëve në transportin urban për të mbajtur maska mbrojtëse. Rekomandohet mbajtja e tyre edhe në ambientet e mbyllura.
Rritja e numrit të rasteve të koronavirusit në vend është për shkak të vatrave të zbuluara të infeksionit, sqaroi Borisov. Ne arrijmë ta përballojmë problemin sa më shpejt, pa i mbyllur qytetet dhe prodhimet dhe pa krijuar panik dhe mendoj se duhet të vazhdojmë në këtë mënyrë edhe në të ardhmen, shtoi Kryeministri.
Nuk ka asgjë të re, madje vazhdojmë t’i lehtësojmë masat dhe nga 15 qershori hapen teatrot dhe kinematë. Ato do të punojnë deri në 50% prej kapacitetit të tyre, tha gjithashtu Borisov.
Disiplina, distanca dhe dezinfektimi janë gjëja më e rëndësishme në momentin e tanishëm. “Nuk ka asgjë të ndryshme – pandemia rritet, numri i rasteve të sëmundjes rritet, fakti i gëzueshëm është se po rritet edhe numri i të shëruarve. Ndërkaq, kemi pothuajse një mënyrë normale të mënyrës së jetesës, ekonomisë, biznesit dhe kulturës. Nga ne varet nëse do të vazhdojmë t’i respektojmë masat, që të vazhdojmë të jetojmë ashtu, si edhe para krizës.”
Kriteri ynë kryesor është që spitalet të mund të pranojnë dhe të sigurojnë kujdese për të infektuarit, shtoi Borisov. Prandaj propozojmë një projektvendim për zgjatje me 15 ditë të afatit të gjendjes së jashtëzakonshme epidemike.
Në këtë situatë zgjatja e masave është e domosdoshme, sepse në qoftë se hiqet gjendja e jashtëzakonshme epidemike nuk kemi arsye për të imponuar masa kufitare, komentoi Kryeinspektori shtetëror i Shëndetësisë doc. dr. Angell Kunçev.
Nuk mund të thuhet se në vend nuk zhvillohen teste, deklaroi drejtor i Qendrës Kombëtare të Sëmundjeve Ngjitëse dhe Parazitare prof. dr. Todor Kantarxhiev. Nuk është e vërtetë se sa më shume teste zhvillohen kaq më shumë do të jenë ato pozitive. Kjo varet nga vendi, ku zhvillohen testet. Kur testet zhvillohen në një grup të veçantë njerëzish, kjo është një vatër epidemiologjike, njerëzit kanë pasur kontakte të ngushta njëri me tjetrin, nuk i kanë respektuar masat dhe zakonisht ka shumë rezultate pozitive, shpjegoi Kantarxhiev. Ai bëri thirrje për t’u mbajtur maska në dyqane dhe në transportin urban dhe i këshilloi njerëzit për t’u ulur në ambientet e hapura të lokaleve.
Përpiloi: Ivo Ivanov
Përgatiti në shqip: Vesella Mançeva
Të martën ishte sesioni i parë konstituiv i Parlamentit të ri Evropian për konstituimin e Parlamentit të ri, krijimin e komisioneve parlamentare dhe zgjedhjen e kryetarit të ri të institucionit. Kandidatura e Ursula von der Leyen për presidente të..
Specialistë të gjuhës bullgare nga 32 vende nga tre kontinente marrin pjesë në seminarin trejavor për gjuhën dhe kulturën bullgare, i cili filloi sot në Universitetin e qytetit Veliko Tërnovo. Sipas korrespondentit të BNR-së në kryeqytetin e vjetër,..
Në Bullgari ka 5257 vendbanime, sipas regjistrit të Institutit Kombëtar të Statistikave nga viti 2021. Prej tyre, afro 5000 janë vendbanime të vogla, por sipas statistikave, çdo vit “vdes” nga një fshat bullgar sepse prej tij është larguar edhe banori i..
Ekspozita "Mrekullitë e natyrës: nga fara deri në pyll" do të mund të shihet deri në fund të gushtit në Muzeun Historik Natyror të fshatit të..
Bullgaria u bë e dyta në debatet shkollore në Kampionatin Botëror në fund të korrikut në Beograd, Serbi. Në turne morën pjesë 68 shtete, përfshirë..
Një shumicë e konsiderueshme e të rinjve në vendin tonë - 89%, e shohin zhvillimin e tyre në pesë vitet e ardhshme jo jashtë vendit, por në Bullgari,..