Germat bullgare tërë verën do të zbukurojnë Berlinin në një nga vendet më të preferuara nga turistët në bregun e lumit Spee, afër Katedrales së Berlinit dhe Ishullit të Muzeve. Instalimi artistik është përshëndetja bullgare për Presidencën Gjermane të BE-së, e cila fillon më 1 korrik. “Gemat bullgare” prezantojnë 14 germat nga alfabeti cirilik, të cilat nuk kanë analog grafik në alfabetin latin dhe në atë grek - Б, Д, Ж, З, И, Й, Ц, Ч, Ш, Щ, Ъ, ь, Ю, Я.

Në formën e stolave origjinalë, ato ishin vendosur më parë në Sofje në vitin 2018 me titullin “Germat e fshehura”. Gjatë verës së vitit 2019 projekti ishte ekspozuar në Paris, kurse në fund të 2019-ës – në Rabat të Marokut. Vargjet e 28 poetëve bullgarë në përkthim në anglisht, frëngjisht dhe gjermanisht mund të lexohen në stola.