Radio konkursi “Pranvera 2020” u afirmua si një nga me të autoritetshmet në Bullgari. Qëllimi i tij gjithmonë ka qenë të stimulojë krijimin e këngëve të reja pop dhe rok bullgare. Sipas rregullores një juri prej muzikantëve profesionalë dhe gazetarësh zgjedh 13 këngët më të mira, të cilat janë dalluar mes të gjithë kandidatëve. Në kuadrin e 1 muaji, çdo një nga nëpunësit e Radios Kombëtare Bullgare ka mundësinë të japë zërin e vet për kompozicionin e zgjedhur prej tij. Kështu përcaktohen ata të cilët kanë fituar përkatësisht vendin e parë, të dytë si dhe çmimin për debutues.
Sivjet në vend të parë është e zgjedhur kënga “Phoenix”/Feniks/ në interpretim të rok bandës „Casual Threesome“, e njohur mirë nga skena bullgare e klubeve. Grupi është në të ashtuquajturin format “të hapur”, por në themelin e vet është një trio, që ku vjen dhe emri. Është i krijuar nga Ivan Ivanov-vokal dhe kitarë, kurse ndaj tij bashkohen Nikollaj Vodeniçarov “Nikeca” - vokal dhe bas. Martin Stojanov - piano dhe masterim, Ivajllo Petrov “Pifa” - bateri dhe Ivelin Llobutov - kitarë. Të 5 ekzekutojnë bashkë kohët e fundit dhe krijojnë muzikë të vet. Kënga me të cilën u paraqitën në edicionin e 51 të radio konkursit “Pranvera 2020”, “Phoenix” është e shkruar krejtësisht nga Ivan Ivanovi. Ai është i njohur mirë nga një grup tjetër shumë të njohur nga e kaluara e afërt - “Awake”, me të cilin po kështu ka marrë pjesë në konkursin muzikor të Radios Kombëtare Bullgare. Pavarësisht se banda e tij e re ka marrë pjesë në një sërë festivalesh si tek ne, ashtu dhe jashtë shtetit, Ivan Ivanov thotë se nuk kanë përvojë në garat muzikore:
“Ne jemi shumë të lumtur se morëm çmimin e parë në radio konkursin për një këngë të re pop dhe rok bullgare “Pranvera 2020”. Grupi ynë ekziston prej 10 vjetëve, por me kalimin e kohës ka ndryshuar. Tani po gëzohemi se pikërisht ne të pestë të cilët jemi aktualisht në “Casual Threesome”, marrim pjesë në këtë konkurs.
Me qenë se ngulmojmë tek pjesëmarrjet e klubeve, nuk kemi përvojë në garat muzikore. Kështu që për ne kjo është pjesëmarrja e parë në një skenë të ngjashme.Si parim këndojmë kryesisht në gjuhën angleze dhe “Phoenix” nuk bën përjashtim. Muzikën të cilën e interpretojmë nëpër pjesëmarrje të ndryshme nuk është vetëm prej autori. Në repertorin tonë kemi këngë të Beatles, Rolling Stones, Jimmy Hendrix, The Doors dhe të akoma shumë rok bandave të tjera botërore. Aktualisht po e shfrytëzojmë situatën e krijuar, në të cilën nuk kemi pjesëmarrje, që të mund të punojmë mbi albumin tonë të ri. Kompozicioni “Phoenix” është një pjesë prej tij”.
Tanimë është fakt në hapësirën muzikore dhe kënga „Under Lovin’ Ice“ – kënga e tretë nga albumi i ardhshëm i „Casual Threesome“.
Përgatiti në shqip: Nataniela Vasileva
Foto: Facebook /Casual Threesome, BNR
“Horizont” është një grup me një histori 40-vjeçare. I formuar në vitin 1984 nga shokët e klasës dhe miqtë, grupi i ka mbetur besnik rock-ut melodik për katër dekada. Në vitin 1994 nisi zyrtarisht performanca e tij e parë profesionale në skenën e..
Festivali muzikor Breeze by Exit do të mbahet në qytetin tonë të Detit të Zi, Varna nga 15 deri më 18 gusht. Forumi muzikor është bashkim i dy festivaleve - EXIT (Serbi) dhe Breeze (Bullgari), dhe edicioni pilot do të quhet "Varna Breeze by Exit"...
Pesë muzikantët e grupit vokal "Spektrum" - Spectrum Vocal Band - janë ndër ata që nuk pushojnë së na mahnitur me mundësitë e pafundme të zërave njerëzorë. Ivelina Coneva, Vesella Morova, Konstantin Bejkov, Janko Jankov dhe Daniell Nikollov kanë..
Vera është stina në të cilën zhvillohen festivalet më të shumta dhe të larmishme. Njëri prej tyre fillon sot, më 23 gusht, në Sevlievo. Aty, që nga..