Bullgaria do të marrë afro 29 mlrd euro mjete evropiane gjatë 7 viteve në vijim. Deri në këtë marrëveshje u arrit në Këshillin Evropian në Bruksel, i cili vazhdoi afro pesë ditë, ku liderët e Evropës u morën vesh për buxhetin e Bashkimit Evropian për 7 vitet e ardhshme dhe për planin për rimëkëmbje pas krizës së koronavirusit.
Bullgaria mori mbi 1 mlrd më shumë për periudhën e re buxhetore. Ne jemi nga vendet e pakta, të cilat do të marrin më shumë mjete nga buxheti i ri, megjithëse shuma totale e kornizës financiare është me 62 mlrd euro më e vogël. Për herë të parë Bullgaria do të ketë edhe 200 mln leva për rajonet e varfra, sqaroi Kryeministri Borisov. Atje shteti duhet ta vërë theksin tek rritja e konkurrueshmërisë, zhvillimi dhe krijimi i vendeve të reja të punës.
Po ruhet financimi evropian për politikën e kohezinonit dhe të bujqësisë. Për atë të kohezionit janë parashikuar 9 mlrd euro, me 800 mln më shumë në krahasim me kornizën financiare të vitit të kaluar.
Në kuadrin e paketës “Brezi i ardhshëm BE” Bullgaria mund të shpresojë tek këste me përmasë 7.7 mlrd euro, në kuadrin e Fondit për tranzicion të drejtë janë parashikuar 500 mln euro, ndërsa për mbrojtjen e kufirit të jashtëm të BE-së – mbi 200 mln euro.
Gjithsej mjetet e parashikuara për Bullgarinë në kuadrin e kornizës së re financiare shumëvjeçare dhe në kuadrin e paketës “Brezi i ardhshëm BE” arritën 29 mlrd euro.
Sa i përket tërë BE-së përmasa totale e kornizës financiare shumëvjeçare për 7 vitet në vijim do të jetë 1 trilion e 74 mlrd euro, ndërsa përmasa e përbashkët e paketës “Brezi i ardhshëm BE” do të jetë 750 mlrd euro.
Përpiloi: Krasimir Martinov
Përgatiti në shqip: Vesella Mançeva
Fitorja në dukje vendimtare e GERB-SDS në zgjedhjet për parlamentin kombëtar nuk do të thotë se partia me çdo kusht do të arrijë të formojë një qeveri në të vetmen formë të mundshme të imponuar gjatë qeverisjes së fundit, pra të ashtuquajturin..
Zgjedhjet për Parlamentin Evropian më 9 qershor 2024 kaluan pa lëkundje të veçanta për formacionet drejtuese politike. Partia Popullore Evropiane dhe socialistët mbeten në krye dhe ndoshta do të vazhdojnë të ndjekin politikat e tyre të përshkruara...
Parlamenti Evropian është organi i vetëm në BE i zgjedhur drejtpërdrejt nga qytetarët. 6 138 050 votues bullgarë kanë të drejtë të emërojnë 17 përfaqësues politikë për ta përfaqësuar Bullgarinë në Parlamentin e ri Evropian për pesë vitet e..