Ish-Avokatja e Popullit Maja Manolova në periudhën 2015-2019 dhe lidere e tanishme e platformës civile “Ngrihu.BG” nuk do të themelojë parti, por do të marrë pjesë në zgjedhje në një rrjet të gjerë partnerësh. Rrjeti do të përfshijë organizata civile, parti jashtë statukuos, qytetarë dhe ekspertë.

“Të gjithë ne bashkohemi rreth memorandumit për demontimin e regjimit autoritar të Kryeministrit Borisov dhe për rritjen e të ardhurave të qytetarëve bullgarë. Do të marrim pjesë si një koalicion i gjerë anti-Borisov”, tha Maja Manollova në një aktivitet në sheshin “Sllavejkov” në kryeqytet, bënë të ditur reporterët e BNR-së.

Rrjeti i partnerëve përkrah kërkesat e protestuesve dhe propozon një pako masash për arritjen e të ardhurave minimale prej 1000 levash (511 euro) në muaj.