Radioja Kombëtare Bullgare © 2020 Të gjitha të drejtat janë të rezervuara

Stajka Gjokova – një emblemë e këngës së krahinës së Trakisë

Foto: arkiv

Këngëtarja jonë e njohur e krahinës së Trakisë festoi 90 vjetorin e vet më 7 shtator. Gjatë rrugës së saj të gjatë profesionale ajo gjithmonë është mbështetur tek besimi, se “burimi i këngëve është i thellë dhe ai nuk ka për të shteruar kurrë”. Zëri i saj alt është i thellë dhe i bukur, me të cilin i dredh ornamentet e ndërlikuara melodike nga krahina e Trakisë. Jo rastësisht, këngët e ngadalta, më në veçanti ato me një recitim, janë frymëzimi i saj. Jo njëherë, pikërisht me to ka shkaktuar tek ne si dhe nëpër botë duartrokitje të stuhishme. Gjatë viteve  Stajka Gjokova u imponua si një emblemë e këngës trake.

Ajo është trashëgimtare e fiseve të këngëtarëve, të ardhur nga qyteti Çirpan. Ka lindur gjatë vitit 1930 në fshatin Tastepe (sot Smollnik) në afërsi të qytetit Karnobat. Akoma si fëmijë këndon nëpër tubime, kurse në mbrëmje me zërin e saj ka pritur korrësit e lodhur nga fusha. Gjatë vitit 1951 ajo paraqitet në një konkurs në Radion Kombëtare dhe e mahnit komisionin me zërin e saj tepër karakteristik dhe të veçantë alt. Që në këtë periudhë fillon veprimtaria e saj shumëvjeçare incizuese si dhe veprimtaria e lidhur me koncertet. Me paraqitjet e saj skenike ajo shkon anë e mbanë nëpër tërë Bullgarinë si një pjesë nga grupet “Kënga jonë”, “Kënga Bullgare”, “Kënga e Trakisë”. Ajo ka qenë në Evropë, Azi dhe Afrikë.

“Fisi i nënës sime kanë qenë këngëtarë të mëdhenj - kujtohet në një intervistë për Radio Bullgarinë këngëtarja e njohur. Gjyshja ime Maria kur ka filluar të këndojë ka shuar fitilin e kandilit. Kaq zë të fortë ka pasur. Bukuria e këngëve të mia, zbukurimet e ndërlikuara i kam trashëguar nga fisi i babait tim. Çdo një nga këngët e mia është me një tekst të fortë, i cili tregon për ndonjë farë ngjarje, kurse melodia gjithmonë i përgjigjet tekstit. Më shumë këngë kam mësuar nga gjyshja ime Stajka dhe nga babi im. Shumë këngë këndova dhe jashtë shtetit.

Më kujtohet, qesha në një turne në Itali dhe këndova në një shesh përpara shumë njerëzve. Në një moment tek unë erdhën 4 burra, biseduam, më qerasën me bonbone. Unë futa një bonbone në gojë, kurse një nga meshkujt  kërkoi që të nis të këndoj fill pas kësaj. Pas kësaj ata u prezantuan dhe më thanë se janë këngëtarë të operës dhe më përshëndetën me një arie. Më treguan për dyshimet e tyre se kam  ndonjë mekanizëm në grykë, që të mund të këndoj kështu, por janë bindur se kjo nuk është e vërtetë. Akoma më vijnë letra dhe dua shumë që të mund të përshëndes adhuruesit e mi. Në sajë të tyre jam kjo që jam. Këngët e mia janë kaq të shumta në numër, saqë dhe dy jetë të kem, nuk do më mjaftojë për t’i kënduar të gjithë”.

Fondi incizues i Stajka Gjokovës në Radion Kombëtare Bullgare numëron më shumë se 150 këngë nga krahina e Trakisë. Kurse folkloristët Elena Stoin dhe Mihaill Bukureshtliev kanë deshifruar për arkivin e Akademisë Kombëtare të Shkencave 200 këngë nga repertori i saj. Më shumë se 40 mbartës të ndryshëm të muzikës (pllaka, kaseta, disqe) ruajnë pasurinë e këngëve të saj.

Për nder të këngëtares sonë të madhe, në vitet e para të mijëvjeçarit tonë të ri, bashkia Karnobat themelon konkurs për talent të rinj “Me këngët e Stajka Gjokovës”. Këngëtarja është mbajtëse e “Lirës së Artë” të Bashkimit të Veprimtarëve Bullgarë të Muzikës dhe të Vallëzimit dhe të statujës “Nestinarka” të Festivalit Ndërkombëtar Folklorik në qytetin Burgas për merita të veçanta ndaj traditës muzikore të Trakisë. Kurse në lidhje me 90 vjetorin e saj doli një përmbledhje me këngë “Këndon Stajka Gjokova”, që përfshin këngë me nota nga repertori i saj si dhe momente nga jeta e saj.

Përgatiti në shqip: Nataniela Vasileva

Më shumë nga rubrika

Mylèna Atanassova-me një vend të rezervuar në botën e modës së lartë

“Shija kultivohet. Eleganca është lumturi” - kështu me këshilla për elegancë në çdo gjë dhe kudo fillon rruga drejt suksesit në botën e modës së lartë të Mylèna Atanassovës.  Bullgarja prej viteve shpërndan angazhimet dhe kohën e vet midis..

botuar më 20-09-04 11.53.PD

Magda Petkanova - një poeteshë e frymëzuar dhe personalitet simpatik

“Në qoftë se ndonjë ditë, të do mideja raki nga Drama, hajde për vizitë, bashkë me kalin sharkolia....” Kështu fillon një nga këngët - hite më të famshme të qytetit /“këngët e qytetit” është një gjini muzikore e përhapur në Bullgari në fillim të..

botuar më 20-08-30 5.05.PD
Bratislava

Dimana Ivanova - deri në Sllovaki dhe mbrapa

“Ne bullgarët, jemi njerëz shumë të respektuar dhe të dashur në Sllovaki. Ky është mbase shteti i vetëm, ku kam ndier një nderim dhe krenari të vërtetë se jam bullgare ” - kështu e fillon tregimin e saj për Sllovakinë një bullgare e re, nxënëse e..

botuar më 20-08-27 12.05.MD