Programi i ditës
Madhësia e tekstit
Radioja Kombëtare Bullgare © 2023 Të gjitha të drejtat janë të rezervuara

Radiot e vjetra tregojnë historitë e tyre

Foto: Zdravka Masljankova

Mbi 80 radio të vjetra janë të eksponuar në Muzeun Historik në qytetin Pollski Trëmbesh në Bullgarinë Veriore, deri në fund të muajit tetor. Vendi për këtë ekspozitë interesante nuk është i zgjedhur rastësisht:

“Qëllimet dhe detyrat e një muzeu historik janë të prezantojë atë e cila është e lidhur me historinë dhe kulturën e krahinës përkatëse, kurse radiot kanë qenë një pjesë nga jeta e njerëzve - tregon docenti Hristo Haritonov, drejtor i muzeut. Më kujtohen ato vite të hershme, kur nëpër shtëpitë e njerëzve ndahej një dhomë e veçantë për radion. Radioja jo vetëm se kishte vendin e vet: për të tregoheshin kujdese të posaçme - mbi të gjithmonë kishte një mbulesë tavoline të qëndisur me dorë dhe një saksi me lule. Ky, në qoftë se nuk është një oltar ndaj informacionit, ndaj lidhjes me botën, çfarë gjëje tjetër mund të jetë?”

Një pjesë prej ekspozitës i është kushtuar Radios Kombëtare Bullgare, që është një nga bashkë organizatorët. Një përshtypje të fortë bëjnë fotografitë e vjetra të të gjithë atyre bullgarëve të njohur, të cilët kanë kaluar përmes studiove të Radios Kombëtare Bullgare, artistët, spikerët, ngjarjet të cilat kanë rëndësi për historinë e Radios.  

“Ndihma të cilën ne e morëm nga Radioja Kombëtare Bullgare është jashtëzakonisht e vlefshme, sepse ne jemi Muzeu më i ri Historik Bullgar, kurse për të rinjtë përkrahja është shumë e rëndësishme - shton docenti Haritonov. Kemi përfshirë një informacion për lindjen e radios, për kohën e krijimit të saj (viti 1935), për radiostacionet regjionale. Dhe kuptohet, një vëmendje e veçantë i është kushtuar dhe koleksionit të inxhinierit Kiro Marinov”.

Për ekspozitën koleksionuesi ofron 70 radio, të prodhuara në Bullgari, në Gjermaninë Perëndimore, në Republikën Demokratike të Gjermanisë, në Çekosllovaki dhe në ish Bashkimin Sovjetik  përpara dhe pas Luftës së Dytë Botërore. Pas Luftës së Dytë Botërore mbi bazën e këtyre radiove të para krijohen 3 ndërmarrje shtetërore, kurse Bullgaria kthehet  në një nga vendet prijëse në prodhimin e radioaparaturës dhe vite të tëra me radhë mban dhe ruan pozita liderë në këtë drejtim.

Çdo një nga radiot mban në vetvete një histori të shkurtër. Nuk kam kërkuar vetëm anën teknologjike dhe teknike në to - thotë inxhinieri Marinov. Zbulova para se gjithësh kontributin e bullgarit  dhe dëshirën e tij që përmes radios, kjo gjë e mrekullueshme dhe e çuditshme, e cila ka qenë e pranishme në çdo shtëpi, të tregojë shijen e vet ndaj progresit, individualitetin e vet. Shumë njerëz kanë shitur arat e veta, që të mund të blejnë një radio. Dhe këto kuti të mëdha kanë zënë një vend qendror për dekada të tëra me radhë, kanë mbajtur në vetvete një kujtim të shtrenjtë. Pavarësisht se, vetëm e dëgjojmë radion ajo është një bashkëbiseduese, një pjesëmarrëse e barabartë në një dialog”.

Përgatiti në shqip: Nataniela Vasileva

Fotografi: Zdravka Masljankova

Më shumë nga rubrika

Çfarë dimë për strukturat megalitike të malit Sërnena Sredna Gora?

“Porta Diellore”, “Gurët e Pingultë”, “Shenjtërorja e Jargavanit”, “Veza e Kuçedrës” ... - të gjithë këta janë emra të megaliteve trake të shpërndara në malin Sërnena Sredna Gora. Disa nga këto objekte të lashta janë eksploruar dhe tashmë janë të..

botuar më 23-01-29 2.35.MD
Maja Shablla në malin Tangra në ishullin Livingston

Akullnaja Kaliakra, Ujëvara e Akullit Ruen, Bregu Baba Marta – qindra vende në Antarktidë mbajnë emra bullgarë

Më 27 dhjetor të vitit të kaluar, për herë të parë, një anije kërkimore shkencore bullgare – “ Shënjtor Kirill dhe Metodij” - u nis drejt Oqeanit Botëror për të mbërritur në Antarktidë si pjesë e Ekspeditës së 31-të bullgare në Antarktidë ...

botuar më 23-01-22 2.10.MD
Përballë Klubit Çekosllovak në Sofje, 1964  

Foto: Klubi Çekosllovak „T.G. Masarik“

Në shekullin e XIX-të, një koloni e fuqishme çeke dhe sllovake u vendos në Bullgari, e udhëhequr nga ndjenja e unitetit sllav

Organizata e parë e çekëve dhe sllovakëve në Bullgari ka një histori 130-vjeçare. Sipas informacioneve historike, në vitet 80-të shekullit të XIX-të, në Sofje kishte tashmë rreth 100 çekë. Por në atë kohë ata nuk kishin ende një organizatë dhe..

botuar më 23-01-22 12.05.MD