Radioja Kombëtare Bullgare © 2020 Të gjitha të drejtat janë të rezervuara

Stina e re e Orkestrës Simfonike të Radios Kombëtare Bullgare me fillim mjaft të fortë

Foto: BNR

Orkestra Simfonike e Radios Kombëtare Bullgare e hap sezonin e vet të ri më 25 shtator me një koncert në sallën “Bëllgaria” nën shkopin e dirigjentit Mark Kadin, dirigjenti kryesor i ansamblit.

Në pjesën e parë, në Koncertin numër 3 për Piano dhe Orkestër nga Bethoveni solist është pianisti i ri ukrainas Dmitry Choni- fitues në konkurse prestigjioze ndërkombëtare, mes të cilave “Busons”( në Itali  gjatë vitit 2017). Në pjesën e dytë simfonikët e radios do të ekzekutojnë Simfoninë numër 100 nga Haydn, të quajtur “Ushtarake”, si dhe veprën „Timber & Steel” (“ Dru dhe çelik”) nga Dobrinka Tabakova, e cila shpjegon: “Vepra është e porositur nga BBC në lidhje me 150 vjetorin nga lindja e Sir Henry Wood, bashkëthemelues i festivalit më të madh për muzikë klasike në Angli - BBS Proms emblematik.” Premiera është zhvilluar në fund të muajit gusht gjatë vitit 2019, në kuadrin  e BBS Proms , në ekzekutim  të BBS Concert Orchestra me dirigjentin Bramwell Tovey. Në Sofje do të zhvillohet premiera bullgare e “Dru dhe çelik”.

Le të rikujtojmë se, Dobrinka Tabakova është mes krijuesve më të rinj dhe të spikatur në skenën bashkëkohore.

Ajo ka lindur në qytetin Plovdiv, por familja e saj transferohet për të jetuar në Londër gjatë vitit 1991 dhe aty zhvillohet karriera e bashkatdhetares sonë. Ajo ka mbaruar studimet në Royal Academy of Music Junior Department në Londër dhe Guildhall School of Music & Drama. Ka mbrojtur doktoranturë për kompozim në King's College në Londër. Krijimet e saj interpretohen nëpër të gjithë botën. Albumi i saj i parë prej autori „String Paths”, i nxjerrë nga ECM Records, është i nominuar për çmimin “Grammy” në kategorinë “Albumi më i mirë  klasik”. Ajo është një kompozitore rezidente e orkestrës së BBS që nga viti 2018.

Programi për stinën e re të Orkestrës Simfonike të Radios Kombëtare Bullgare përfshin akoma një sërë premierash, kurse instrumentistët dhe dirigjenti kryesor premtojnë tituj intrigues, premiera, perla nga muzika bullgare dhe kryevepra botërore. Bashkë në një skenë me radio-simfonikët do të jenë miq - dirigjent të njohur bullgar dhe solist të shquar.

Përgatiti në shqip: Nataniela Vasileva

Foto: BNR

Më shumë nga rubrika

Konkursi i këngëve “O, re e bardhë” u mbajt në Taraklija

Konkursi i pestë për interpretues të rinj të këngëve popullore dhe pop bullgare “O, re e bardhë” u zhvillua në qytetin e Besarabisë Taraklija. Konkursi i sivjetshëm është pjesë e festimit të Ditës së Bullgarëve të Besarabisë dhe i kushtohet..

botuar më 20-11-13 12.39.MD

Një violiniste bullgare fitoi çmimin e parë nga Konkursi “ Leonid Kogan” në Bruksel

Violinistja Llora Markova fitoi çmimin e parë në kategorinë e tretë (13-17 vjeç) në Konkursin e 4 Ndërkombëtar për Violinistë të Rinj “Leonid Kogan” në Bruksel-Belgjikë. Par shkak të pandemisë nga Covid-19 edicioni i sivjetshëm u zhvillua online me..

botuar më 20-11-11 6.02.MD

Muzika nga fillimi i tranzicionit - pjesa e lirisë për të cilën kanë ëndërruar breza të tërë

“Ajo e cila ngjau më kujtohet si në ndonjë film. Qe diçka për të cilën patëm ëndërruar që të gjithë, kurse gjatë viteve të fundit në gjimnaz qesh i bindur, se nuk mund të vazhdohet në këtë mënyrë. Dhe ajo ndodhi....” - thotë për përjetimin më 10 nëntor..

botuar më 20-11-10 7.30.PD