Vendi ynë prej disa vjetëve është në gjendje të një presioni zero nga ana e imigrantëve. Kapaciteti i qendrave për akomodimin e refugjatëve pranë agjencisë shtetërore është e zënë 15%. Janë të strehuar pak nën 800 refugjatë. Kjo do të thotë se fluksi i njerëzve, të cilët kërkojnë strehim tek ne është ulur rrënjësisht gjatë viteve dhe muajve të fundit - këtë e njoftoi për Radion Kombëtare Bullgare Rodosllav Stamenkov, Shefi i Përfaqësisë Bullgare të Organizatës Ndërkombëtare për Migracionin.
Ai sqaroi se në kushtet e pandemisë gjatë muajit prill të këtij viti, kur kufijtë ndërshtetëror qenë të mbyllur, kishte kufizime të imponuara të brendshme për lëvizjen e lirë dhe mbledhjen e njerëzve. Gjatë asaj kohe është arrestuar vetëm një njeri për qëndrim të paligjshëm tek ne, sipas të dhënave të Ministrisë së Punëve të Brendshme. Statistika tregon se, që nga muaji maj deri tani mesatarisht rreth 400-500 emigrantë kanë hyrë në territorin tonë, ku vala më intensive zakonisht është gjatë muajve të verës. Numri i tyre është shumë herë më i pakët, në krahasim me valën e migracionit përpara disa vjetëve. Shtetet evropiane me flukse më të mëdha të migracionit në këtë moment janë Italia, Malta, Greqia, Qiproja dhe Spanja, saktësoi eksperti.
“Praktika tregon se, pavarësisht nëse njerëzit marrin statut për refugjatë ose jo tek ne, shumë pak mbeten në territorin e vendit, kurse pjesa më e madhe vazhdojnë drejt Evropës Perëndimore” - thotë Radosllav Stamenkov. Sa i përket rrezikut nga shpërndarja e koronavirusit përmes imigrantëve, ai sqaroi se, kur migracioni është i drejtuar drejtë, njerëzit në mënyrë të përshpejtuar vendosen në qendrat e krijuara të specializuara dhe rreziku minimizohet. Kudo ka objekte të karantinës dhe që të gjithë të strehuarit e rinj kalojnë përmes karantinës së detyrueshme prej 14 ditëve. Ankesa nuk ka, sepse kushtet jetike në këto vende janë fare normale, kurse kjo nga e cila kanë nevojë imigrantët, të cilët kanë kërkuar strehim tek ne , zakonisht është një konsultim me psikolog dhe ndihmë gjatë zgjidhjes së kazuseve të drejta dhe sociale.
Përgatiti në shqip: Nataniela Vasileva
Foto: BGNES dhe arkiv
Ornitologët dhe dashamirësit e shpendëve festojnë sot Ditën Kombëtare të Shqiponjës. Me këtë rast përfaqësues të Shoqatës Bullgare për Mbrojtjen e Shpendëve prezantojnë para publikut të gjerë fakte interesante për jetën e llojeve të ndryshme të..
Ndryshe nga pritshmëritë, udhëheqësit evropianë nuk arritën një konsensus mbi katër kandidatët kryesorë për postet kryesore të BE-së në takimin e tyre të hënën e kaluar. Megjithatë, ka të ngjarë që kjo të ndodhë në takimin e tyre të rregullt të enjten..
Kuzhina bullgare renditet e 14-ta nga të gjitha kuzhinat kombëtare në Evropë në renditjen prestigjioze të faqes së specializuar të kuzhinës TasteAtlas, njoftoi BNR Varna. Renditja bëhet çdo vit në bazë të vlerësimit nga përdoruesit e faqes. Bullgaria..
Hapësira për art, kulturë dhe dialog "Topllocentralla" në Sofje po përgatitet për një mbyllje spektakolare të sezonit të saj të pestë me edicionin e pestë..