Права за ползване rc="//platform-api.sharethis.com/js/sharethis.js#property=598acd0de2587a0012539f76&product=inline-share-buttons">
Më 19 tetor Kisha Ortodokse Bullgare kremton solemnisht transferimin e lipsanave të Shën Joan Rillskit në Sredec (Sofja e sotme) dhe kanunizimin e tij zyrtar si shenjtor. E quajnë çudibërës, sepse me emrin e shenjtorit janë lidhur shumë dëshmi të lutjeve të dëgjuara dhe të shërimit hyjnor të sëmundjeve të ndryshme.
Që si i gjallë Joan Rillski fitoi në trojet bullgare famën e ndërmjetësit të Zotit. Megjithëse jetonte shumë vite në vetmi të plotë në pyllin e malit Rilla njerëzit vazhdimisht e kërkonin për përkrahje dhe mbrojtje. Pasi vdiq më 18 gusht të vitit 946 e varrosën në shpellën afër Manastirit të Rillës të themeluar nga ai.
Pas ca kohe ai u shfaq para vëllezërve murgj dhe i porositi për t’i transferuar lipsanat e tij në Sredec. Më 1 korrik 1469 murgjit i kthyen eshtrat në Manastirin e rinovuar të Rillës, ku edhe sot e kësaj dite besimtarët kërkojnë mbrojtjen e Shenjtorit.
"Nuk disponojmë të dhëna të mjaftueshme për të – vë në dukje ati Bojan Sarëev. Koha në të cilën ka jetuar është e largët, në fund të shekullit IX dhe në fillim të shekullit X. Këto kanë qenë kohëra të vështira dhe të sëmura për popullin dhe shtetin. Korrupsioni në rrethet e larta politike ka qenë i madh, ka pasur sekte. Ndërsa prishja morale i kishte poshtuar të gjitha shtresat e shoqërisë. Pikërisht në këto kohëra të rënda Zoti e e dërgoi Shën Joan Rillskin që të na tregojë të vërtetat e Ungjillit të Shenjët."
Tërë intervistën me atin Sarëev mund ta lexoni në publikimin “Shën Ivan Rillski – mbrojtësi i Bullgarisë” nga koleksioni i Radio Bullgarisë.
Që nga viti 1995 e këtej dita e Shën Joan Rillskit – 19 tetori, shënohet edhe si Dita e Mjekut Bullgar.
Përpiloi: Darina Grigorova
Përgatiti në shqip: Vesella Mançeva
Petriç ndodhet në rrëzë të dy prej maleve më të bukura dhe ende të paprekura nga turizmi - Ograzhden dhe Bellasica. Zona përreth qytetit jugperëndimor ka qenë e banuar që nga kohërat e lashta, siç dëshmohet nga një sërë gjetjesh..
Januarius A. McGahan lindi 180 vjet më parë më 12 qershor. Me këtë rast, Muzeu Historik Rajonal në Plovdiv po shfaq një ekspozitë për jetën e gazetarit të guximshëm amerikan. Reportazhet e tij të quajtura "Letra nga ferri" në gazetën londineze..
Kur njeriu e njeh historinë, mund të luftojë që gjërat e mira të përsëriten dhe të këqijat të mos përsëriten. Me këto fjalë, ministri në detyrë i kulturës, Najden Todorov, hapi ekspozitën "Zotërinjtë e kripës: Provadia - Kriporja (5600-4350 p.e.s.)"..