Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Gjimnazistët bullgarë janë në elitën botërore të shkencave natyrore

Interesi ndaj shkencës formon liderë, është kategorik pedagogu Nikolla Karavasilev

Nikolla Karavasilev
Foto: arkiv

“Është shumë e natyrshme që kinezët dhe indianët të kenë medalje të arta nga olimpiadat në fizikë dhe astrofizikë, sepse aty jeton 20% nga popullsia botërore, por është e mbinatyrshme që Bullgaria e vogël të renditet krahas tyre. Nga ana statistikore në Bullgari jeton rreth 1/1000 nga banuesit e botës, me fjalë të tjera ne kemi një numër jashtëzakonisht të madh të medaljeve të arta për frymë të popullsisë” - thotë pedagogu i njohur në lëndën e fizikës Teodosij Teodosiev. Ai është mes pedagogëve të pakët, të cilët sikurse e kanë ndërmarrë misionin apostolik të mbajnë lartë flamurin e shkencës dhe të arsimit në Bullgari.  

Bullgarët dhe sivjet treguan se janë në një nivel botëror në shkencë, duke fituar përgjithësisht 8 medalje nga olimpiada ndërkombëtare në astronomi dhe astrofizikë. Gjimnazistët e përfaqësuan Bullgarinë në garë me mbi 300 pjesëmarrës prej 50 shteteve në fund të muajit shtator. Duke fituar 2 medalje të arta, 2 të argjendta, 4 të bronzta dhe një fletëlavdërimi, ata qëndruan krahas me pjesëmarrësit e tjerë prej shteteve të tjera me një popullsi të madhe, dhe me ekonomi shumë e shumë herë më të zhvilluar nga ajo bullgare. Do të shtojmë se që nga viti 2011 deri tani nxënësit bullgarë kanë fituar 35 medalje nga olimpiada ndërkombëtare në astronomi dhe astrofizikë: 8 të arta,11 të argjendta, 16 të bronzta.

“Nxënësit i zgjodhëm si zakonisht nga rrethi kombëtar i olimpiadës në astronomi gjatë qershorit - 5 vetat e parë nga të dyja grupet e moshave u përfshinë në skuadrën e cila na prezantoi në një nivel ndërkombëtar. Nuk janë të shumta shtetet, të cilat janë më të mira se ne. Sivjet shteti i prezantuar më mirë është Rusia. Shtetet e Bashkuara dhe Kanadaja po kështu kanë një përparim të madh, kurse tradicionalisht më të mirë janë konkurrentët nga Kina dhe India, por këto janë shtete me një popullsi shumëmilionëshe. Për mua më e rëndësishmja është se përmes pjesëmarrjeve në olimpiadë, unë u ndihmojë të rinjve të takojnë bashkëmendimtarë të tyre.

Shpesh olimpiadat kritikohen për këtë se olimpikët rrallë herë bëhen shkencëtarë të suksesshëm. Por, tek olimpiada në astronomi vihet re pikërisht e kundërta - thotë Nikolla Karavasilev dhe shton: dy të tretat nga olimpikët tanë të suksesshëm pas kësaj zhvillohen dhe në shkencë”.

“Interesi ndaj shkencës jo gjithmonë kalon përmes pjesëmarrjes në olimpiada. Ato janë një vend i mirë për t’u paraqitur, por ato nuk duhet të kthehen në një vet qëllim. Interesi ndaj shkencës kalon fillimisht përmes leximit të letërsisë.”

Pedagogu konstaton se në kohën e sotme ka një zbaticë në interesin ndaj shkencave natyrore. “Njerëzit, jo vetëm në Bullgari, orientohen drejt gjërave më pragmatike, por gjithmonë ka një numër të vogël fëmijësh, të cilët kanë një interes serioz ndaj këtyre shkencave, bëjnë përpjekje dhe arrijnë sukses. Kështu, në fakt qesh dhe unë përpara 20  vjetëve, kur për herë të parë u regjistrova për olimpiadën në astronomi” - kujtohet Nikolla Karavasilev:

“Unë jam mësues në Shkollën e Mesme Kombëtare të Shkencave të Natyrës dhe Matematikës me profil fizikë dhe kur përfundova klasën e 12 vura re se, olimpiadat në praktikë  për mua përfunduan. E gjithë kjo jetë, gjatë së cilës njihesh me njerëz të rinj nëpër olimpiada, takimet dhe komunikimi, zhduken. Atëherë me shokun tim të mirë Nikollaj Kaçarov vendosëm të kapemi me përgatitjen e nxënësve në astronomi. 3 vjet më vonë më ftuan për ta përgatitur Skuadrën Kombëtare të Bullgarisë në astronomi. Kështu pak nga pak gjërat u zhvilluan dhe tanimë 10 vjet unë drejtoj grupin e astrofizikës të vendit tonë.

Përgatiti në shqip: Nataniela Vasileva




Последвайте ни и в Google News Showcase, за да научите най-важното от деня!

Më shumë nga rubrika

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD
Doc. Iskren Ivanov

Doc. Iskren Ivanov: Bankierët kanë frikë se do të shpallen emrat e evropianëve me ndikim që ndihmuan dhe po e ndihmojnë Moskën

Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit Evropian. Ose paratë të vijnë nga të ardhurat e grumbulluara nga asetet ruse të “ngrira” për..

botuar më 24-03-27 7.55.MD