Sami Dogmush është 28 vjeç dhe punon në sferën e sipërmarrësisë digjitale dhe sociale. I provokuar nga nostalgjia për fëmijërinë e tij dhe gëzimin nga lojërat nga koha e kaluar, banuesi i kryeqytetit bashkë me akoma bashkëmendimtarë të tjerë, vendosin t’i kthejnë këto dëfrime mes fëmijëve të sotëm. Dhe jo në vend të fundit - ti shkëpusin për pak nga mjedisi online.
E emërtojnë iniciativën “Lojërat e viteve 90”, sepse: “këto lojëra sikurse atëherë luheshin për herë të fundit. Por, që nga fillimi i shekullit të ri pak nga pak u zëvendësuan me lojëra me kompjuterë dhe me telefona - thotë Sami Dogmush.
Ideja lind përpara 4 vjetëve, kur Sami vendos “të thyejë IT situatën në jetën e vet dhe të fusë një fije lojë dhe nostalgji.”
Kështu arrin deri tek ideja për organizimin e festivaleve për fëmijë, ku fëmijët dhe prindërit të studiojnë lojërat e viteve 90 të shekullit të kaluar.
“Kurse ato luheshin që nga mëngjesi deri në darkë. Madje dreka (një fetë buke të lyer me diçka sipër) rastiste midis lojërave” - thotë Sami dhe kujtohet se loja e tij e dashur ka qenë “rojet dhe apashët”.
Fëmijëria e fëmijëve të viteve 90 përngjan shumë, pavarësisht nga vendi i populluar në të cilin janë rritur. Lojërat - po kështu. Por, në një moment çdo një fëmijë i lë “kukullat dhe makinat”.
Sami pohon se dhe sot jeton në lagjen e fëmijërisë së tij, por tani nuk shikon fëmijë, të cilët të luajnë duke u ndjekur ose duke u fshehur, madje nuk dëgjohen zëra fëmijësh në hapësirat midis pallateve. Në vend të kësaj pothuajse kudo ka “grupe, të cilët me qetësi shkruajnë nëpër telefonat”. Kurse prindërit e rraskapitur nga puna, në vend që të luajnë pak me ta, i lënë mbi telefon dhe tabletë me “lojën virtuale” dhe kjo vazhdon si një spirale pa fund.
Një nga qëllimet e “Lojërave të viteve 90” është të krijojnë hapësirëjashtë ditëve dinamike të përditshme, ku të lindë një komunikim i gjallë midis vet fëmijëve, por dhe me prindërit.
Prezantimi i parë real i kësaj iniciative u bë këtë verë në qytetin Vidin, si një pjesë nga festivali i qytetit. Fëmijët janë të mahnitur. “Ata qenë shumë kureshtarë, kur u treguam sesi luhet në lojërat e kohës së kaluar - thotë Sami.
Sipas sipërmarrësit të ri “lojërat në të gjallë aty për aty” i mësojnë fëmijët të jenë të mëshirshëm, i mësojnë me një punë të përbashkët në ekip, me vlera dhe emocione, të cilët vështirë mund të transmetohen përmes lojërave me telefona. Lidhja e gjallë e ndihmon fëmijën të lidhet me njerëzit e tjerë përreth, të krijojë miqësia.
Sami Dogmush do që “Lojërat e viteve 90” të rrotullojnë nëpër të gjithë Bullgarinë përmes iniciativave të përbashkëta me shkollat dhe vatrat e kulturës nëpër qytetet dhe fshatrat. Kështu do të mund të arrijnë deri tek më shumë fëmijë. Por, përveç që t’i provokojë fëmijët në rritje, Sami u rikujton të gjithëve:
“Mos e humbni fëmijën në veten tuaj! E mbani të gjallë. U kushtoni një vëmendje më të madhe fëmijëve tuaj, dëfreni bashkë me ta dhe thjesht luani bashkë!”
Përgatiti në shqip: Nataniela Vasileva
Foto: @igritena90te
Bullgaria u bë e dyta në debatet shkollore në Kampionatin Botëror në fund të korrikut në Beograd, Serbi. Në turne morën pjesë 68 shtete, përfshirë SHBA-në, Katarin, Kinën. Nxënësit bullgarë tanë mposhtën në debate shtete tradicionalisht të forta,..
Ekspozita "Mrekullitë e natyrës: nga fara deri në pyll" do të mund të shihet deri në fund të gushtit në Muzeun Historik Natyror të fshatit të Trojanit Çerni Osëm. Ekspozita paraqet procesin e lindjes së një pylli, bukurinë e pyjeve bullgare dhe..
"Mbi 60 për qind prej shoqërisë bullgare ka probleme me peshën. Obeziteti është si një ortek. Të jesh i shëndoshë është një stigmë. Shoqëria thotë se i pranon këta njerëz, por a është e vërtetë" - thotë Desisllava Hristozova, e cila është autore e..
Lojëra, shfaqje filmash, vëzhgim zogjsh dhe koncerte në ajër të hapur janë vetëm disa nga ngjarjet në kuadër të Edicionit të Shtatë të Festivalit të..