Radioja Kombëtare Bullgare © 2020 Të gjitha të drejtat janë të rezervuara

Ekspozita “Beautiful Albania” sjell Shqipërinë për publikun bullgar

Nga data 16 deri më 30 Nëntor 2020 adhuruesit e Shqipërisë dhe natyrës së bukur mund të frekuentojnë ekspozitën “Beautiful Albania” rregulluar në Kopshtin e Qytetit (Gradska Gradina) në qendër të Sofjes. Nismëtare është Ambasada e Republikës së Shqipërisë në Bullgari në bashkëpunim me Bashkinë e Sofjes dhe Agjencinë Shqiptare të Turizmit. Ekspozita është pjesë e veprimtarive me rastin e Festës Kombëtare të Republikës së Shqipërisë më 28 nëntor.

Përmes 28 fotove, publiku ka mundësinë të shijojë një pjesë të historisë, kulturës, trashëgimisë dhe bukurive natyrore të Shqipërisë.
 

Malësia e Kelmendit, Maja e Ҫikës, Parku Kombëtar i Thethit, Parku Kombëtar i Valbonës dhe Vermoshi - ato janë vetëm një pjesë prej objekteve që do t’ju magjepsin me bukuritë malore dhe relievin e thyer shqiptar.

Po ta frekuentoni ekspozitën mund të shikoni larminë e gjerë të bukurive natyrore të Shqipërisë, duke përfshirë lugina, lumenj, male, ujëvara, pyje të dendura dhe formacione shkëmbore, krahas biodiversitetit dhe trashëgimisë kulturore dhe historike.

Vermoshi është shtëpia e më shumë se 30 llojeve të bimëve medicinale dhe endemike. Lumi i Shalës dhe liqeni i Komanit janë gjithmonë një mundësi e mirë për të shijuar bukuritë natyrore me varkë.

Berati, Gjirokastra dhe Butrinti si pjesë e trashëgimisë së UNESCO-s pasqyrojnë më së miri trashëgiminë kulturore dhe historike të Shqipërisë.

Berati përfaqëson një stil unik arkitekturor, ndikuar nga disa civilizime. Ai njihet si “qyteti i një mijë dritareve” dhe ngjan me qytetin bullgar Veliko Tarnovo. Në Berat mund të gjeni një sërë atraksionesh historike.

Gjirokastra apo ndryshe “qyteti i gurtë” i shkrimtarit të mirënjohur shqiptar Ismail Kadare ofron shumë mundësi për të eksploruar dhe për të humbur në të kaluarën, ku mund të gjeni artileri dhe relikte të rezistencës kundër pushtuesit gjerman.

Ndërkohë, Parku Kombëtar i Butrintit demonstron rëndësinë e ruajtjes së tij duke qenë shtëpia e mbi 1200 lloje të ndryshme kafshësh dhe varietete bimësh. Për shkak të rëndësisë ndërkombëtare natyrore, arkeologjike dhe kulturore, Parku është nën mbrojtjen e Bashkimit Ndërkombëtar për Ruajtjen e Natyrës, UNESCO-s dhe Konventës Ramsar.

Gjiri i Dafinës dhe Gramës, Deti Adriatik si dhe Riviera Shqiptare do t`ju bëjnë të dëshironi të udhëtoni sa më shpejt drejt Shqipërisë dhe të shijoni disa ditë pushimi atje. Në ekspozitë pasqyrohet vija e gjatë bregdetare shqiptare e mbushur me fshatra tradicionale të fshehur në gjire të izoluara, plazhe ranore dhe shkëmbore, shpella detare, shkëmbinj të pjerrët dhe gjire. Ka shumë arsye për të eksploruar vijën e mrekullueshme bregdetare shqiptare duke filluar nga veriu për të shkuar në jug, te perla shqiptare e quajtur Riviera Shqiptare, me plazhe të arta të mbushura dhe me ujërave të bruztë.
 

Mos harroni të vizitoni ekspozitën “Beautiful Albania” në Kopshtin e Qytetit ( Gradska Gradina) në datat 16-30 nëntor dhe të postoni foto me hashtagun #BeautifulAlbania.

Informacioni është dorëzuar nga Ambasada e Republikës së Shqipërisë në Sofje

Foto: Ambasada e Republikës së Shqipërisë në Bullgari


Galeria

Më shumë nga rubrika

U miratua Plani Kombëtar për Vaksinimin kundër Covid-19

Në një mbledhje të Këshillit të Ministrave u miratua Plani Kombëtar për Vaksinimin kundër Covid-19. Këtë e njoftoi në një brifing Ministri i Shëndetësisë profesor Kostadin Angellov. Në hartimin e planit u shfrytëzuan rekomandimet e Organizatës..

botuar më 20-12-04 12.47.MD
Hanoj

Mijëra njerëz në Vietnam e mbajnë Bullgarinë në zemër

Në fillim të vitit 2020 Bullgaria dhe Vietnami shënuan 70 vjet nga vendosja e marrëdhënieve diplomatike midis tyre. Vendi ynë është një nga shtetet e para, pas Kinës dhe Bashkimit Sovjetik, që zyrtarisht e njohu Republikën Demokratike Vietnam më 8 shkurt..

botuar më 20-12-04 6.15.PD

Një projekt bullgar për monitorimin e ajrit fitoi çmim prestigjioz evropian

Një projekt për monitorimin dhe analizën e ajrit i bullgarëve Dimitar Rangellov, Stanisllav Dimitrov dhe Emill Kirilov, zuri vendin e tretë prestigjioz në kategorinë Urban Mobility ("Lëvizshmëria Urbane") në një nga garat më të mëdha evropiane EIT..

botuar më 20-12-02 4.00.MD