Radioja Kombëtare Bullgare © 2021 Të gjitha të drejtat janë të rezervuara

Çdo vit mbi 1 000 000 gra bullgare i nënshtrohen dhunës

Foto: BGNES

Më 25 nëntor e gjithë bota shënoi Ditën Ndërkombëtare për eliminimin e dhunës ndaj grave. Data është e caktuar nga Asambleja e Përgjithshme e Këshillit të Përgjithshëm të OKB-së gjatë dhjetorit të vitit 1999. Atëherë Organizata Botërore u bën thirrje qeverive, organizatave ndërkombëtare dhe joqeveritare të ndërmarrin veprimtari, të drejtuara ndaj rritjes së  ndërgjegjësimit të publikut për problemin.

Në Bullgari Dita Ndërkombëtare për eliminimin e dhunës ndaj grave shënohet me një sërë iniciativash  në vazhdim të 16 ditëve. Organizator është ekipi i Fondit Bullgar për Gratë. Ngjarja e parë ishte më 25 nëntor, kur u zhvillua online premiera e albumit të parë për nga lloji i vet “Këngët-hite të përjetshme të Bullgarisë”. Titujt e përfshirë në të janë të disa prej këngëve pop dhe rok më të dashura e të pëlqyera bullgare... Por në fakt muzikë nuk ka, titulli  është mashtrues dhe sigurisht që shkakton interes.

“Njëmbëdhjetë “këngët hite” tingëllojnë kështu siç i dëgjojnë milionë gra bullgare dhe siç nuk kanë tingëlluar në radio për shembull. Këto janë monologë të abuzuesve të grave-viktima të tyre. I interpretojnë aktorë, por fjalët janë autentike. Këto janë shprehi poshtërimi dhe talljeje me gratë, të cilat tregojnë  sesi dashuria nganjëherë degjeneron në agresion. Tekstet përshkruajnë fjalë për fjalë rastet e llojeve të ndryshme të dhunës. Mjerisht, në to është e mundur që çdo një të njohë të afërmit dhe të njohurit e vet” - tha Gergana Kuceva, përfaqësuese e Fondit Bullgar për Gratë. Në një ngjarje të posaçme në facebook-faqen e organizatës do të publikohen incizimet, të pranishme për një online dëgjim, kurse më pas do të lëshohet një pllakë vinil.

Misioni i këtij projekti është të rikujtojë statistikën e mjerë - në çdo dy javë është vrarë nga një grua, derisa dëgjon  ndonjë nga këto ose fjalë të tjera të ngjashme. Çdo vit mbi 1 000 000 gra bullgare nga të gjitha moshat janë objekt i dhunës. Çdo vit dhjetëra bullgare vriten nga bashkëshortët e tyre të tanishëm ose ish-bashkëshortë ose partnerë si dhe nga pandemia e quajtur dhunë mbi gratë.  

Nga Fondi Bullgar për Gratë duan të kthejnë vëmendjen e shoqërisë dhe ndaj një fakti tjetër shqetësues - rastet e dhunës ndaj grave shpesh minimizohen, kalohen në heshtje dhe madje tolerohen. Nëse është çështje e një mentaliteti, edukate ose mungese të zakonshme të ndjeshmërisë? Cilido qoftë të jetë shkaku, ai mbase mundet të evitohet me vullnet dhe me përpjekjet e ne të gjithëve.

Përpiloi: Allbena Bezovska

Përgatiti në shqip: Nataniela Vasileva

Foto: BGNES dhe bgfundforwomen.org

Më shumë nga rubrika

Tirana

Rivendosen fluturimet direkte mes Sofjes dhe Tiranës

Nga 1 gushti rivendosen fluturimet direkte mes Shqipërisë dhe Bullgarisë, njoftoi Ambasada e Republikës së Shqipërisë në Sofje . Kompania GullivAir do t’i kryejë udhëtimet direkte javore Sofje-Tiranë-Sofje në periudhën 6 gusht – 28 shtator. Qëllimi i..

botuar më 21-07-29 2.14.MD

Ndryshime në rregullat për hyrje në Bullgari për shkak të pandemisë

Nga 29 korriku hyrja në Bullgari e atyre që mbërrijnë nga vendet në zonën e kuqe të pandemisë do të bëhet pas paraqitjes së një certifikate vaksinimi ose të kalimit të koronavirusit, dhe të një testi negativ PCR të bërë deri në 72 orë para udhëtimit...

botuar më 21-07-29 9.54.PD

Kabineti zgjati gjendjen e jashtëzakonshme epidemike deri më 31 gusht

Këshilli i Ministrave vendosi që afati i gjendjes së jashtëzakonshme epidemike të zgjatet deri më 31 gusht. Sipas Organizatës Botërore të Shëndetësisë, vendi ynë aktualisht renditet në vendin e shtatë për nga vdekshmëria nga Covid-19. Me dozën..

botuar më 21-07-28 5.18.MD