Dita e Shën Nikollës është një nga festat më të mëdha dhe më të dashura në vendin tonë. Kremtohet më 6 dhjetor - data në të cilën Kisha Ortodokse Bullgare nderon kujtimin e Shën Nikolla Çudibërësit, Kryepeshkopi i Mirës së Likisë, i quajtur "Rregulli i Besimit dhe Modeli i Butësisë, Mësuesi i Maturisë".

Shenjtori gëzon një respekt të madh në traditën popullore bullgare. Imazhi i tij në folklorin tonë është i një heroi trim me fuqi të mbinatyrshme, zot i detit, i ujërave dhe erërave, mbrojtës i njerëzve në telashe në mes të detit. Shenjtori konsiderohet mbrojtës i fëmijëve, peshkatarëve, marinarëve, udhëtarëve.

Disa nga mrekullitë e bëra nga ai duke qenë i gjallë dhe pasi u largua nga kjo botë i kanë bërë njerëzit për ta adhuruar si mbrojtës të tregtarëve dhe bankierëve, të familjes, shtëpisë, pronës dhe mallrave. Disa e konsiderojnë si mbrojtës të vjedhësve, të prodhuesve të birrës, prodhuesve të fuçive, farmacistëve dhe të të  burgosurve. Këtë ditë në Bullgari festojnë të gjithë që mbajnë emrat Nikolla, Nikollaj, Nikoll, Nikolina, Nikoleta, Nina etj.

Në artikullin "Një ditë e shënuar, Dita e Shën Nikollas" nga koleksioni i Radio Bullgaisë mund të lexoni një përrallë popullore pak të njohur kushtuar Shën Nikollës, si dhe të mësoni se çfarë po përgatitet për tryezën festive.