Pema e Krishtlindjeve është një qendër tërheqëse rreth së cilës mblidhet çdo familje në ditët e ndritshme të festave të fundvitit. Lodrat më të bukura me të cilat e stolisim pemën për të na gëzuar janë të punuara prej qelqi. Ato kishin popullaritet të madh në Bullgari para afro 3-4 dekadash. Bukuria që rrezatojnë është e paimitueshme dhe prandaj  shumë familje i ruajnë edhe më sot si relikte të çmueshme familjare. Brishtësia e tyre frikëson shumë, por njohësit e vërtetë nuk harrojnë t'i nxjerrin nga kutitë dhe t'i varen në pemën me gjelbërim të përhershëm. Sepse me ta kthehen te kujtimet më të bukura nga fëmijëria.

Një nga venet ku mjeshtërit e vjetër ringjallin interesin ndaj zbukurimeve prej qelqi për Pemën e Krishtlindjeve është punishtja e mjeshtrit Georgi Keranov në qytetin Dobriç. Për vështirësitë në prodhim, për bukurinë dhe magjinë e lodrave prej qelqi do të lexoni në botimin “Magjia e figurave prej qelqi për Pemën e Krishtlindjeve” nga koleksioni i Radio Bullgarisë.