Po përfundon një vit i vështirë plotë ngjarje dhe ndryshime të papritura. Në izolim dhe në respektim të distancës sociale dhe të masave kundër virusit të panjohur, shumë njerëz presin që e ardhmja të jetë më e mirë. Sa për ne, bullgarët, ne pa dyshim iu drejtohemi zakoneve dhe ritualeve nga e kaluara e largët. Sidomos në ditët festive ose në momentet e vështira. Shpesh mendojmë pse është kështu. Ndoshta duam të ndiejmë frymën e mënyrës patriarkale të jetës, e cila duket shumë më e rregullt për sa i përket sistemit të vlerave. Ose e bëjmë me shpresën që ritualet në të cilat besuan paraardhësit tanë të paktën të na ndihmojnë pak. Në ditën e fundit të vitit që po ik, Radio Bullgaria ju kujton besimet dhe zakonet që lidhen me kalimin e kufirit midis dy viteve. Çfarë vendosën bullgarët dikur në tryezën festive, e cila duhet të jetë e bollshme dhe e pasur, si dhe momente të tjera të rëndësishme të festës folklorike do të mësoni në se do të lexoni botimin “Në kufirin midis të dyja viteve”.