Bullgare besarabe nga qyteti moldavian Taraklija shënojnë Ditën e Gjyshes Mami, një festë me rrënjë të thella të ruajtura edhe më sot, transmetoi BTA.

Kjo ditë gratë besarabe rikrijojnë zakonet e vjetra të cilët tregojnë respektin ndaj grave të moshuara që ndihmojnë nënat për të lindur foshnjat e tyre. Ato mblidhen dhe vizitojnë një grua të moshuar të zgjedhur prej tyre në shtëpinë e saj për ta uruar atë për festën me ujitje rituale. Kjo bëhet nën një pemë frutore në kopsht ose në shkallët e shtëpisë. Secila grua i jep gjyshen sapun, i hedh ujë dhe i dhuron asaj një peshqir që i ka sjellë. Gjyshja pastaj fshin duart e lagura në fundet e grave të reja në mënyrë që ato të jenë pjellore dhe për t'u lindur lehtë. Nuk mund të ketë burra midis kremtuesve. Nëse ka ndonjë, gratë mund ta lyejnë atë me blozë. Dita përfundon me një trapezë tradicionale, këngë dhe valle.

Sidoqoftë, këtë vit, për shkak të koronavirusit, gratë nuk mund ta shënojnë festën si më parë me shumë pjesëmarrëse, por e bëjnë këtë në një rreth më të ngushtë në shtëpi.