Ka të ngjarë që parlamenti i ardhshëm do të vendosë për ndërtimin e Centralit Atomik Elektrik “Belene” ose për ndërtimin e bllokut të 7 të Centralit Atomik Elektrik “Kozlloduj”. Këtë e tha para BNR kryetari i komisionit energjetik parlamentar Valentin Nikollov.

Sipas analistit Rusllan Stefanov, vendi ynë nuk ka nevojë për kapacitet shtesë derisa reaktorët e 5-të dhe të 6-të të Centralit Atomik Elektrik “Kozlloduj” të çaktivizohen, gjë që mund të ndodhë deri në vitin 2050. “Në vitin 2008, filloi projekti “Belene” me perspektivën mashtruese të zhvillimit të energjisë sonë, dhe u lëshuan më shumë se 4 miliard leva resurse kombëtare”, shtoi analisti, duke theksuar se korrupsioni i madh për të cilin flitet nuk ishte hetuar kurrë.