Kjo është një nga shpellat më të bukura bullgare. Ndodhet në malin Rodope, më pak se 40 km. nga vendpushimi i skive Pamporovo, jo shumë larg kufirit me Greqinë fqinje. Emri Uhllovica vjen nga fjala "ullulica" - një lloj bufësh që dikur ka jetuar në vargjet e bukura malore në rajon. Hyrja në shpellë arrihet nga një shteg i pjerrët, i ndjekur nga një shkallë hekuri me 180 këmbë.
Me “perdet” e saj të shkëlqyera karstike dhe ujëvarat prej guri, Uhllovica ka fituar pseudonimin e pallatit nëntokësor të Rodopeve. Është zbukuruar me formacione unike që u ngjajnë kafshëve të ndryshme dhe krijesave të çuditshme.
Uhllovica zë disa kate. Brenda ka 280 këmbë shkalle, të cilat lidhin sallat individuale, të vendosura vertikalisht njëra nën tjetrën. Askush nuk mund t'i rezistojë pamjes së jashtëzakonshme të së ashtuquajturës “Sallë e humnerës”. Në dritën e zbehtë të galerisë gjigante shihen fytet e katër greminave, të cilat zbresin pothuajse vertikalisht në katin e poshtëm. Në fundin e shpellës Uhllovica ka 7 liqene të pastra. Shpella është një nga 100 objektet turistike kombëtare të Bullgarisë. Ky është një nga vendet më të vizituara në këtë pjesë të Rodopeve.
Para epidemisë së koronavirusit, e cila kufizoi udhëtimet në rajon, çdo vit shpellën Uhllovica e vizitonin nja 15 000 turistë.
Më shumë hollësi për këtë krijesë unikale natyrore mund të mësoni nga artikulli “Misteret e shpellës Uhllovica” nga koleksioni i Radio Bullgarisë.
Përpiloi: Veneta Nikollova
Përgatiti në shqip: Vesella Mançeva
Kisha Ortodokse Bullgare nderon sot Shën Gjergjin Fitimtar - një nga martirët e parë për besimin. Ai jetoi në kohën e perandorit romak Dioklecian dhe iu bashkua ushtrisë si adoleshent. Vetëm 20 vjeç u bë anëtar i këshillit shtetëror. Kur..
Lojërat ku personazhi kryesor është veza, ndoshta nuk janë shumë. Në Gjermani, për shembull, për Pashkë, familjet vizitojnë tempullin, dhe më pas fëmijët kërkojnë vezë në kopsht, të fshehura nga lepurushi i Pashkëve - një simbol i pjellorisë. Megjithatë,..
Kur kemi një rast të veçantë dhe takohemi me të afërm ose miq, në shenjë respekti dhe si kujtim, zakonisht u dhurojmë atyre një dhuratë së bashku me një kartolinë të bukur. Në të kaluarën, kartolina e marrë ruhej si një kujtim i dashur dhe madje..