Radioja Kombëtare Bullgare © 2021 Të gjitha të drejtat janë të rezervuara

Sot është Dita e Bletarëve

Problemet e shndërrojnë bletarinë nga një profesion me tradita në hobi

Foto: BGNES

Numri i bullgarëve që u kanë kushtuar zemrat, dashurinë dhe kohën e tyre bletëve po bëhet gjithnjë më i vogël. Arsyeja për këtë është se bletaria në Bullgari është në një krizë serioze. Në ditën e nderimit të Shën Haralampit - mbrojtësi i bletarëve, kopshtarëve dhe kultivuesve të frutave, ne kërkojmë rrënjët e problemit, të cilat nuk janë të njëanshme. Nga njëra anë, përdorimi i parregulluar i pesticideve po vazhdon të shkatërrojë popullatën e bletëve. Nga ana tjetër, ata që janë të punësuar në sektor kanë nevojë për mbështetje serioze financiare dhe një politikë shtetërore për ta bërë bletarinë një nga prioritetet në fushën e bujqësisë.

Në vitin e fundit bletarët në Bullgari u ndeshën edhe një herë me këto probleme, të cilat po përkeqësohen:

"Viti 2020 ishte mjaft i keq për sektorin, për të paktën tre arsye," tha Javor Kirillov, i cili e ka trashëguar zanatin nga gjyshi i tij, pothuajse nga fëmijëria. "Së pari, këto janë kushtet e motit. Pranvera ishte shumë e thatë, u ndoq nga një verë e ftohtë dhe këta dy faktorë ndikuan shumë mbi mbledhjen e mjaltit.

Faktori i dytë është importi i mjaltit pa taksa ose me akcizë të ulët nga Kina dhe Ukraina, gjë që ul çmimin e mjaltit bullgar, i cili më pas shitet si bullgar, gjë që është absurde. Shkaku i tretë, kuptohet, janë problemet në vend. Çmimi i blerjes me pakicë të mjaltit është midis 8 dhe 15 leva (4- 7,50 euro), por çmimi me shumicë është në intervalin midis 2,50 leva dhe 4 leva (1,75 -2 euro). "

Sipas Javorit, importet e mjaltit nga vendet e treta të BE-së, si Ukraina dhe Kina, mund të kufizohen. Ato nuk duhet të përfitojnë nga preferencat e tregut të bashkësisë evropiane.

Ekziston një përjashtim për Ukrainën, pasi Bashkimi ndjek një politikë të mbështetjes së ekonomisë ukrainase. Një problem tjetër i rëndësishëm për bletarët janë ndryshimet e ardhshme në Rregulloren, e cila ndikon në furnizimin direkt të sasive të vogla të lëndëve të para dhe të ushqimit me origjinë shtazore.

“Në projektin për ndryshimin e rregullores ndalohen disa gjëra, shpjegon Javor Kirillov. - Njëra prej tyre është që bletarët të shesin mjaltë jashtë territorit ku është regjistruar bletari. Domethënë po të dëshironi të blini mjaltë nga Stranxha, nuk do të jeni në gjendje ta porosisni furnizimin e tij, por duhet të udhëtoni për ta marrë atë. E njëjta rregullore kufizon sasinë e mjaltit që një prodhues ka të drejtën të shesë - deri në 2 tonë.”


Për shkak të cilësisë së tij, mjalti bullgar është shumë i kërkuar në tregun evropian. Një nga arsyet e vlerësimit të lartë të mjaltit bullgar jashtë është shumëllojshmëria e bimëve që rriten në vendin tonë, të cilat i japin atij shijen karakteristike.

Përpjekjet për të ndryshuar kushtet aktuale për prodhimin dhe tregtimin e produkteve të mjaltit, si dhe një sërë problemesh të tjera në sektor, janë në dëm të bletarisë që praktikohet në vendin tonë me krenari që prej shekujsh. Sot, ajo po bëhet më tepër një hobi, duke sjellë pak të ardhura shtesë.

Përgatiti në shqip: Vesella Mançeva

Foto: Facebook / Javor Kirillov



Më shumë nga rubrika

Bullgaria është ndër vendet që kanë arritur marrëveshje për Covid - pasaportat

Bullgaria është ndër 13 vendet - anëtare të BE-së, që arritën marrëveshje mbi 7 kritere, të cilat do të jenë të domosdoshme për aplikimin e certifikatave për të vaksinuarit kundër Covid-19, njoftojnë mediat austriake. Kriteret tashmë i janë dërguar..

botuar më 21-04-12 12.50.MD

Fillon muaji i shenjtë për myslimanët

Gjatë regjistrimit të fundit të popullsisë në Bullgari mbi 650 000 veta e kanë shënuar islamin fe të tyre. Nesër ata do ta presin muajin e shenjtë për myslimanët Ramazan. Gjatë kësaj kohe myslimanët do të agjërojnë shpirtërisht dhe..

botuar më 21-04-12 11.36.PD

Shumica e nxënësve të shkollës së mesme në Bosilegrad dëshirojnë të studiojnë në Bullgari

Pothuajse të gjithë 50 maturantët që mbarojnë shkollën e mesme në Bosilegrad dëshirojnë të vazhdojnë arsimin në një nga universitetet në Bullgari. Këtë e tregojnë rezultatet e një sondazhi të kryer ndër maturantët në të vetmen shkollë të..

botuar më 21-04-12 7.20.PD