Bullgaria kërkon udhëtim të lirë dhe kufij të hapur për shpëtimin e turizmit
Ne mbështesim krijimin e "korridoreve të shpejta të gjelbra" për të vaksinuarit dhe njerëzit që tashmë janë shëruar nga Covid-19. Në të njëjtën kohë nuk duhet të kufizohen edhe udhëtimet e evropianëve të tjerë. Kjo duhet të çojë në një ringjallje të ekosistemit turistik dhe të lëvizshmërisë ndërkombëtare, tha Zëvendëskryeministrja dhe Ministre e Turizmit Marijana Nikollova në një video konferencë të ministrave të turizmit në BE. Nikollova vuri në dukje përvojën bullgare në pandeminë për zhvillimin e turizmit të brendshëm, turizmin SPA, turizmin mjekësor dhe atë balnear, për orientimin drejt mënyrave më të sigurta të transportit dhe zhvillimin e vendpushimeve më të vogla, njoftoi BTA.
Sot u hapën restorantet, por klubet e natës mbeten të mbyllura
Që nga 1 marsi vizitat në institucionet e ushqimit dhe argëtimit lejohen, pasi Ministri i Shëndetësisë dhe urdhër për shfuqizimin e masave anti-epidemike. Kushti është të përdoret gjysma e kapacitetit të tyre, të mbahet një distancë prej 1.5 metra midis pjesëve të pasme të karrigeve të dy tryezave fqinje, si dhe stafi të mbajë maska. Përveç kësaj orari i punës i objekteve duhet të përfundojë më së voni në orën 23.00. Që nga sot u hoq edhe ndalimi i udhëtimeve të organizuara në vend dhe ai për organizimin e kongreseve, dasmave, pagëzimeve, seminareve, konferencave. Tani për tani mbeten të mbyllura diskotekat, klubet, piano baret dhe klubet e natës.
Në rast se ka vaksina të mjaftueshme deri në qershor do të vaksinohen 70% prej bullgarëve
Qëllimi ynë kryesor është që ta kthejmë qetësimin e njerëzve de ata të besojnë se ne arrijmë t’i kundërvihemi epidemisë, vuri në dukje Ministri i Shëndetësisë prof. Kostadin Angellov para televizionit bTV. “Nëse kemi vaksina të mjaftueshme, mund të imunizojmë 70% të popullsisë deri në fund të qershorit. Mund të kryejmë nga 500 deri në 600 mijë vaksina në muaj", tha Ministri Angellov. Kjo është arsyeja se pse ne duam doza të huazuara nga Franca dhe Gjermania. AstraZeneca nuk dorëzoi as 40% të sasive për të cilat kishte arritur marrëveshje. Ministri theksoi se Bullgaria si palë nuk ka negociuar me kompaninë dhe për këtë arsye ia shkruan kundërshtimet e saj Komisionit Evropian, i cili ka negociuar furnizimet.
Të shëruarit nga Covid-19 janë më shumë sesa të infektuarit gjatë 24 orëve të fundit
Rastet e reja të koronavirusit në Bullgari për 24 orët e fundit janë 332 nga 2531 teste të kryera, sipas Portalit të Unifikuar të Informacionit. Mostrat pozitive janë 13.1%. Të shëruarit në harkun e shënuar kohor janë 408. Rastet aktive janë 31 302. 4744 pacientë ndodhen në institucionet mjekësore. 394 janë në njësitë e kujdesit intensiv. Në 24 orët e fundit 24 pacientë me koronavirus kanë vdekur. Janë bërë 2685 vaksina kundër koronavirusit. Bashkë me to numri i përgjithshëm i vaksinave të kryera u bë 212 445. 37 379 persona janë me dy vaksina të injektuara.
Korridoret e gjelbra për vaksinimin përsëri janë të hapura
"Korridoret e gjelbra" për imunizimin e personave jashtë grupeve prioritare u rivendosën. Kjo u bë e mundur pasi 52 800 doza të vaksinës së Oksfordit mbërritën në vend më 28 shkurt.
Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.
Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.
Përpiloi: Joan Kolev dhe ekipi “Lajme”
Përgatiti në shqip: Vesella Mançeva
Ditën e premte do të mbizotërojë mot me diell. Do të fryjë erë e dobët deri mesatare nga lindja, në Bullgarinë Lindore - përkohësisht e fortë nga veriu. Temperaturat minimale do të lëvizin ndërmjet 2° dhe 3°, përgjatë Detit të Zi deri në 6°-8°, në..
Njëzet e pesë Shoqata të Avokatëve nga i gjithë vendi i bënë thirrje Këshillit të Lartë Gjyqësor, të cilit i ka skaduar mandati, të ndërpresë procedurën për zgjedhjen e kryeprokurorit dhe kryetarit të Gjykatës së Lartë Administrative. Ata gjithashtu..
“Thirrjet për pezullimin e procedurës për zgjedhjen e kryetarit të Gjykatës së Lartë Administrative dhe kryeprokurorit janë thirrje që Këshilli i Lartë Gjyqësor të shkelë Kushtetutën, gjë e cila është e papranueshme”, thuhet në komunikatën me të cilën..
Në Ministrinë e Punëve të Brendshme u parqitën 259 sinjale për blerje votash për zgjedhjet e parakohshme parlamentare të 27 tetorit. U iniciuan 70..
Ditën e premte do të mbizotërojë mot me diell. Do të fryjë erë e dobët deri mesatare nga lindja, në Bullgarinë Lindore - përkohësisht e fortë nga..
Në orët e para të 19 tetorit 2024, njësia e gjashtë e Centralit Atomik Elektrik “Kozlloduj”do të mbyllet për mirëmbajtjen e planifikuar vjetore, e cila..