Radioja Kombëtare Bullgare © 2021 Të gjitha të drejtat janë të rezervuara

Trashëgimia e përbashkët me vështrim ndaj së ardhmes

Një rrugicë festive e zanateve organizohet për 3 marsin në qytetin Bankja

Foto: facebook/rayonbankya

Një rrugicë festive e arteve dhe zanateve tradicionale organizon më 3 mars Dhoma Rajonale e Artizanatit-Sofje në rajonin e pushimores Bankja. Shkaku është festa kombëtare, kurse qëllimi - prodhimet e bukura të zanatçinjve të kontribuojnë për gjendjen e mirë shpirtërore dhe të rikujtojnë se zanatet e gjalla ruajnë frymën dhe shpirtin bullgar dhe njëkohësisht ruajnë dhe identitetin tonë kombëtar.  

Rrugica e zanateve në Bankja do të mbledhë në një vend mjeshtër të thurjes artistike, prodhime prej druri, dhurata dhe sende për jetën e përditshme, skulptura dhe drugdhendje, qëndisje, piktura dhe gdhendje mbi xham dhe lëkurë, punime të këmishëve popullore, qeramikë e shumë të tjera. Janë parashikuar dhe demonstrime të veprimtarive nga punishtet e mjeshtërisë, por me një orientim modern. “Gjatë kohës së kësaj rrugice të zanateve njerëzit do të afrohen deri tek prodhime të cilat janë me një vlerë të lartë estetike dhe do të mund të njihen me cilësinë më të mirë të punës të zanatçinjve aktualisht tek ne” – tha në intervistën e dhënë për Radio Bullgarinë floktari i njohur dhe kryetar i Dhomës Rajonale të Mjeshtërisë Krëstjo Kapanov:

“Nuk ka se ku të shikohen në vend tjetër krijimet me cilësi të zanatçinjve nëse nuk ekzistojnë ekspozita të këtij lloji. Më në veçanti me hyrjen e tregut të prodhimeve të lira, shumë shpesh një prodhim kinez, gjërat fitojnë një kuptim tjetër. Kurse zanatçinjtë bullgarë kanë një krijimtari shumë të pasur dhe të bukur. Miqtë e Rrugicës në Bankja  do të gëzohen duke parë gjëra shumë të bukura, të bëra me shenjën e mjeshtërve bullgarë. Zanatçinjtë kanë jo vetëm nevojë për para, por dhe vend që të mund të prezantohen përpara publikut. Është jashtëzakonisht e rëndësishme të mund të ndihmohet biznesi i vogël dhe i mesëm, në këtë rast artizanati në të gjitha format e tij. Por nuk hasim një kuptim të veçantë  mes drejtuesve për këtë, se duhet një mbrojtje më të madhe ligjore për punën e zanatçinjve. Kurse ata në vendin tonë janë mijëra, por ata nuk regjistrohen në organizata profesionale, sepse ligji nuk i detyron.”

Zanatçinjtë kanë jo vetëm nevojë për para, por dhe për një vend që të paraqiten. Floktari-stilist Kapanov rikujtoi se organizata e tij, në të cilën anëtarësojnë 869 ndërmarrje aktive të zanatçinjve, prej kohe ka përgatitur një propozim për ndryshime ligjore.  Ata duan të garantohet cilësia e shërbimeve tek puna e zanatçinjve dhe të ketë një rregullim dhe mbrojtje më të mirë të punonjësve në këtë fushë. Deri tani telashet e zejtarëve bullgar nuk kanë qenë objekt i vëmendjes nga ana e ligjvënësve. Shpresa është se parlamenti i ri i cili do të formohet do të sillet me një kuptim më të madh ndaj nevojave  të sipërmarrësve , të cilët e praktikojnë zanatin.


Gjatë viteve të kaluara shumë nga zanatçinjtë kërkuan mundësi për punë jashtë shtetit, kurse tani masat kundra pandemisë i lanë pothuajse pa para për t’u ushqyer. “Tek ne ka talent të shumtë, por problemi është  se mbetet deri në një nivel, kurse si në çdo profesion, njeriu duhet të rritet dhe të zhvillohet” - thotë stilisti Krëstjo Kapanov.  

Përgatiti në shqip: Nataniela Vasileva

Foto: facebook/rayonbankya, BGNES


Më shumë nga rubrika

Nikollaj Rukavishnikov dhe Georgi Ivanov

42 vjet nga fluturimi i parë i një bullgari në Kozmos

Më 10 prill 1979 në orën 20 e 34 minuta, anija kozmike Sojuz-33 u lëshua në orbitën rreth Tokës. Me të fluturoi kozmonauti i parë bullgar Georgi Ivanov . Ai bën 31 orbita të plota rreth Tokës. Në bordin e anijes është së bashku me kozmonautin..

botuar më 21-04-10 8.05.PD

Tendenca të brishta të rënies së sëmundshmërisë nga Covid-19 dhe të rritjes së vdekshmërisë

“ Po llogarisim hapat e para nga fundi i valës së tretë të Covid-19 me tendenca shumë të brishta të uljes së vdekshmërisë”, deklaroi në brifingun e rregullt  të autoriteteve shëndetësore profesori Kostadin Angjellov, ministër i shëndetësisë...

botuar më 21-04-08 3.19.MD

"Amnesty International" me një diagnozë të pamëshirshme për lirinë e medias në vendin tonë

"Liria e mediave u përkeqësua edhe më shumë kur autoritetet vunë në shënjestër gazetarët dhe kritikët dhe fillian represione kundër protestave anti-qeveritare," thotë Amnesty International në raportin e tyre ndërkombëtar mbi gjendjen e të drejtave..

botuar më 21-04-07 2.36.MD