Çmimi prestigjioz për krijues të rinj në Bullgari - Fluturimi në Art “Stojan Kambarev” seleksionoi për vit të dytë të radhës përfaqësues të artit të vallëzimit në personin e Janica Atanasovës. Gruaja e re është e nominuar për shkak të punës së saj si koreografe dhe regjisore e filmit origjinal artistik të vallëzimit “Padyshim bukur” në një bashkautorësi me Tatjana Sokollovën. Ritmika, lëvizja dhe intelekti janë në gjakun e Janicës. Ajo e prek publikun me gjuhën e vallëzimit dhe të gjestit, të cilat i ka përsosur deri në detajin më të vogël. 

Janica Atanasova është vetëm 30 vjeçe, por ka qenë pjesë e spektakleve të shumta të baletit dhe të vallëzimit, e miniaturave dhe shfaqjeve të ndryshme, tek ne dhe nëpër botë, ka fituar dhjetëra çmime ndërkombëtare. Ajo është gjithashtu pedagoge mbi teknikat moderne të vallëzimit dhe të teatrit të vallëzimit në Universitetin e Ri Bullgar. “Vallëzimi është diçka përtej përjetimit të thjeshtë të trupit. Ai është një mundësi për ndërgjegjësim, udhëtim, kuptim, prekje. Krijimi i pranisë në jetë. Vallëzimi është ......dashuri”, pohon koreografja e re. 

Ju ftojmë të shikoni këtë film të shkurtër për Janica Atanasovën.