Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Radosllav Kirillov – piktori bullgar në Spanjë i cili dëshiron të humanizojë çnjerëzoren

7
Foto: arkiv personal

Arti nuk njeh kufi dhe barriera gjuhësore, ai i afron njerëzit. Kur një autor ka një talent të lindur, ai nuk mbetet i fshehur për publikun, pa rëndësi se në cilin shtet ka zgjedhur që të jetojë. Kështu duke u mbështetur vetëm mbi talentin e tij dhe punën këmbëngulëse, piktori Radosllav Kirillov vendoset në Spanjë. Bilanci i tij për 11 vjetët e kaluara aty është ekspozita të shumta në galeri të autoritetshme dhe në muze, dhjetëra piktura të përfunduara dhe grumbullimi i përvojës të një sërë stilesh dhe teknikash, mes të cilave dhe shtampa.

“Unë këtu kam zhvillim dhe jam i kënaqur si tërësi nga jeta. Njerëzit më njohin, ata i vlerësuan krijimet e mia dhe më dhanë shans. Kam shumë miq” - thotë për veten e tij Radosllav.

Radosllav Kirillov

Drejt jetës jashtë e ka shtyrë jo kaq dëshira të emigrojë, sesa një fatkeqësi në familje. Thotë se atëherë ka bërë zgjedhjen e tij fatale nëse do të vazhdojë si një artist dhe piktor apo do të zhytet në dëshpërim. Bëra një ekspozitë në qytetin tim të lindjes Pernik dhe kështu mblodha pak para që të mund të nisem për në Spanjë. Disa shokë me ndihmuan të vendosem dhe të filloj aty” - thotë bullgari.

“Gjëja tjetër të cilën dua që ta arrijë është që të shkojë në Ark Madrid, sepse kjo është galeria më e madhe për një art modern. Kjo është si ekspozitë. Artistët më të mëdhenj në një përpjesëtim botëror mundohen që të tregohen. Dua dhe unë të tregohem aty, se jam dhe ekzistoj. Vepra të mia kanë marrë pjesë në disa nga ekspozitat më prestigjioze dhe të rëndësishme, por në Ark Madrid janë emrat më të mëdhenj. Kam ekspozuar në galeri të artit dhe po kështu dhe në muzetë në Barcelonë dhe Madrid. Po kështu në muzeun “Goja” Museo Goya-fuendetodos. Që të mund të bësh një ekspozitë në Spanjë ti duhet të aplikosh për një projekt dhe të konkurrosh me piktorë të tjerë. Nëse ke fat dhe ata të pëlqejnë, atëherë për njëfarë periudhe kohe të jepet një vend i caktuar dhe mund të ekspozosh aty”, sqaron rrugën dhe ëndrrat e tij si krijues Radosllav Kirillov përpara Radio Bullgarisë.


Është mjaft e vështirë që një piktor i huaj të arrijë suksese në Spanjë. Këtu pjesa më e madhe e piktorëve spanjollë kanë privilegje, madje u paguhet kritikëve që të shkruajnë lëvdata për ta. Kur ndihen të kërcënuar nga ndonjë i huaj, fillojnë ta përbuzin” - shton Radosllav. Pavarësisht nga kjo, ai i firmos pikturat e tij jo me pseudonim, por me emrin e vet. Në shumë nga pikturat e tij ai pikturon portretin e një njeriu, por me pamjen e njëfarë kafshe. Ka dhe një pikturë të tij të dashur, e ka quajtur “Bodigard”, por në vend të njeriut, në pikturë ka një....patë:

“Unë i shikoj kafshët si njerëz, kështu i pikturoj, në shtëpi rris kafshë shtëpiake. Edhe sikur të tingëllojë pak e marrëzishme, për mua ato janë qenie me mendime dhe ndjenja. Prandaj, kur zgjedhin një pikturë të pikturuar prej meje me ndonjë kafshë, të gjithë njerëzit thonë se shikojnë një tip njeriu në të. Dhe bëj jo vetëm kafshë, por dhe skulptura, kam dëshirë të bëj të panjerëzishmen të njerëzishme. “

Radosllavi nuk fsheh se që të mund të mbahet jashtë duhet të kombinojë punën e tij të piktorit me veprimtari të tjera. Vet ai krijon figura prej qeramike dhe bën dizajn interieri dhe dekorime të shtëpive dhe të apartamenteve.

Jashtë nuk mund të bëhesh i pasur me punën tënde, por të paktën mund të jetosh në mënyrë të denjë dhe pikërisht këtë e kërkon njeriu-një jetë të denjë”, është kategorik Radosllav Kirillov.

Përgatiti në shqip: Nataniela Vasileva

Foto: arkiv personal, cesbor.blogspot.com




Последвайте ни и в Google News Showcase, за да научите най-важното от деня!

Më shumë nga rubrika

Për veprimtarinë patriotike të Ahmet Ballës dhe komunitetin bullgar në Shqipëri

Duke u nis ur nga veriu për në jug , nga rajonet malore të Gorës dhe Gol l o bo rd ë s dhe duke zbritur drejt pikës  më juglindore të Shqipërisë, fshatin Vërnik , do të dëgjoni t ë flitet gjuha bullgare. Në disa nga këto vende, për..

botuar më 24-03-24 11.05.PD

Dhimitër Pandovski nga Korça: "Ne jemi bullgarë dhe asgjë tjetër!"

Krahas rajoneve historiko-gjeografike të Gorës dhe Gollobordës, popullsi kompakte bullgare ka edhe në pjesën juglindore të Shqipërisë. Edhe pse migrimi ekonomik i viteve të fundit ka pasur një ndikim negativ, bullgarët në rajonin e qyteteve Korçë,..

botuar më 24-03-09 11.10.PD
Silsila Mahbub

Silsila Mahbub: "Qëndrimi ndaj refugjatëve të Lindjes së Mesme duhet të ndryshojë"

Jeta e miliona njerëzve në mbarë botën, të cilët jetojnë në një sërë sfidash jetësore - luftë, uri, varfëri, duket e pakuptueshme për botën perëndimore, pjesë e së cilës janë Evropa dhe Bullgaria. Kjo është arsyeja se pse ne i pranojmë historitë e fateve..

botuar më 24-03-05 5.10.MD