Radioja Kombëtare Bullgare © 2021 Të gjitha të drejtat janë të rezervuara

Konsultime te Presidenti për formimin e qeverisë së re

| rinovuar më 21-04-19 4.54.MD
Presidenti Rumen Radev dhe nënpresidentja Ilijana Jotova fillojnë konsultimet
Foto: BGNES

“Mjedisi i vështirësuar i sigurisë, pandemia, parashtrimi i planit efektiv për qëndrueshmëri brenda afatit kërkojnë qeverisje efektive. Në të njëjtën kohë qeveria është në dorëheqje, ndërsa Kryeministri është me leje. Ka nevojë për veprime operative dhe të përgjegjshme për formimin e kabinetit të ri”, deklaroi Rumen Radev, duke pritur përfaqësuesit e gruput më të madh parlamentar – GERB – SDS.

Me përfaqësues të koalicionit GERB-SDS

Ne, si një parti e përgjegjshme, kemi deklaruar se jemi të detyruar si forca e parë politike të emërojmë një kabinet që do të jetë në gjendje të fillojë punën sa më shpejt të jetë e mundur, "tha kryetarja e grupit Desisllava Atanasova.

“Te ju janë të përqendruara shikimet e bullgarëve. GERB shprehën gatishmëri të formojnë qeveri, por përfaqësuesit popullorë do të vendosin a do të ndodhë këtë. Nëse qeveria e partisë GERB nuk pranohet, nëse prezantohet fare, përgjegjësia do të bjerë mbi ju. Roli juaj është përgjegjës, pritjet nga ju do të rriten”, theksoi Radev.

Përfaqësues të grupit parlamentar “Ka një popull të tillë” Toshko Jordanov, Viktorija Vasileva dhe Filip Stanev

Zëvendës kryetari i “Ka një popull të tillë” Toshko Jordanov tha pas konsultimeve te presidenti, se partia do të njoftojë se çfarë do të bëjë pasi do të marrë mandatin për formimin e qeverisë.

Do ta përkrahim qeverinë e forcës së dytë politike “Ka një popull të tillë” në qoftë se na kërkojnë për konsultime, deklaroi Kryetarja e Partisë Socialiste Bullgare /BSP/ Kornelija Ninova në konsultimet tek Presidenti.

Rumen Radev me përfaqësues të grupit parlamentar të BSP-s Kornelija Ninova, Kristijan Vigenin, Irena Atanasova, Atanas Zafirov, Hristo Prodanov

“Mendojmë se tani ka nevojë që të formohet një qeveri e qëndrueshme, duke pasur parasysh krizën sociale, ekonomike dhe shëndetësore”, vuri në dukje Ninova. Ajo shtoi se qeveria e “Ka një popull të tillë” do të përkrahet me 4 kushte – po të ndërmerren masa të ngutshme për përballimin e krizës ekonomike dhe shëndetësore, në qoftë se fillon një revizion i thellë i qeverisjes së GERB-it, po të përgatitet plani për rimëkëmbje dhe zhvillim dhe ndryshohet legjislacioni zgjedhor.

Lëvizja për të Drejtat dhe Liritë /DPS/ ripohoi para Presidentit se është e gatshme ta përkrahë një kabinet të tri forcave të reja në Parlament - “Ka një popull të tillë”, “Bullgaria Demokratike” dhe “Ngrihu! Kriminelët jashtë!”. Presim që të paraqiten programet dhe prioritetet e kandidatëve për kryeministër dhe qeveri”, tha Karadajë.

Kreu i shtetit Rumen Radev u takua për konsultime me përfaqësues të grupit parlamentar të DPS-s. Në fotografi: Mustafa Karadajë, Jordan Conev, Ajmed Ahmedov
Ai saktësoi se ndër prioritetet e DPS janë lufta kundër krizës së koronavirusit, duke përfshirë masat sociale – ekonomike, vaksinimin e përshpejtuar dhe qëndrueshmërinë dhe përgatitjen e vendit për periudhën tjetër operative.

Qeverisje e qëndrueshme është e mundshme vetëm me mandat të “Ka një popull të tillë”. Këtë e theksoi kryetari i grupit parlamentar “Bullgaria Demokratike” Hristo Ivanov gjatë konsultimeve me presidentin Rumen Radev. Ai shtoi se partia e tij është gati për bisedime të përgjegjshme dhe konstruktive në se nga “Ka një popull të tillë” do ta kërkojnë.

Sipas tij, “Bullgaria Demokratike” nuk ka asnjë arsye të presë një mandat të mundshëm për të formuar qeveri, pasi është grupi i pestë parlamentar për nga madhësia. Ivanov beson se varianti për zgjedhje të parakohshme nuk duhet të hidhet poshtë.

Koalicioni “Ngrihu! Kriminelët jashtë!” do të mbështeste një qeveri me pjesëmarrjen e partive të protestës – “Ka një popull i tillë” dhe “Bullgaria Demokratike”, por jo një të tillë të propozuar nga partia GERB e Bojko Borisovit. Këtë e deklaroi gjatë konsultimeve me Presidentin bashkëkryetarja e grupit parlamentar Maja Manollova.

Sipas saj “njerëzit presin formimin e një kabineti të qëndrueshëm që do të qëndrojë prapa qytetarëve të zakonshëm, prapa biznesit bullgar dhe do të rivendosë besimin në institucionet bullgare”.

Koalicioni “Ngrihu! Kriminelët jashtë!” ishte formacioni i fundit parlamentar me të cilin Presidenti Rumen Radev zhvilloi konsultime.

Më 20 prill Kreu i shtetit është gati t’i dorëzojë mandat grupit më të madh parlamentar - GERB - SDS.

Foto: BGNES

Më shumë nga rubrika

Nikollaj Mlladenov

Nikollaj Mlladenov: Lufta shkatërruese do ta bëjë Gazën të pakontrollueshme

Ajo që po ndodh në këtë moment midis Izraelit dhe Palestinës do të ndikojë mbi rajon për shumë vite përpara - theksoi në një intervistë për Radion Kombëtare Bullgare Nikollaj Mlladenov, deri vonë një koordinator i OKB-së për procesin e paqes në..

botuar më 21-05-17 5.06.MD

Ngjarjet me adresë ballkanike

Miliona euro nga trafikimi i migrantëve në Ballkanin Perëndimor Pandemia nuk prek biznesin me migrantët në rajonin e Ballkanit Perëndimor. Tregu për kontrabandën e migrantëve në këtë pjesë të kontinentit grumbullon të paktën 50 milion euro të..

botuar më 21-05-14 11.37.PD
Georgi Panajotov

Uniteti i NATO-s është jetik për Bullgarinë

Për Bullgarinë, ruajtja e vlerave euro-atlantike dhe uniteti i NATO-s është me rëndësi jetike, tha Ministri i Punëve të Jashtme Svetllan Stoev përpara video konferencës “Përgatitja për NATO 2030”, organizuar nga Klubi Atlantik. Ai vuri në dukje se..

botuar më 21-05-14 9.36.PD