Në javën në të cilën shënojmë Ditën Botërore të Librit - 23 prill, doli nga shtypi një foto-libër shumë special falas me kauzë dhe mesazh. “Të njihemi me “fëmijët e ndryshëm” të Bullgarisë” është një mundësi të takohemi me 35 fëmijë të diagnostikuar me sëmundje si paraliza cerebrale, autizmi, sindroma Daun e të tjera. Përveç fotografive, në libër janë përfshirë disa nga historitë personale të pjesëmarrësve në të, si dhe karakteristika bazë të sëmundjeve të tyre.
Misioni i këtij botimi është që të mund t’i bëjë më të njohur e të dallueshëm, kurse ata të cilët vuajnë - të jenë të pranuar nga shoqëria jonë. Vetëm në këtë mënyrë këta fëmijë dhe të afërmit e tyre do të mund të kenë një jetë më të mirë, janë kategorik Anna Jonçeva, themeluese e projektit “Fëmijët e ndryshëm të Bullgarisë” dhe Vanja Todorova - kryetare e fondacionit “Ne mundemi së bashku”. Prandaj dhe theksi në historitë e librit janë ëndrrat dhe mundësitë, të cilat i kanë modelet e buzëqeshura të fotografes Anna Jonçeva, që të mund të kuptohet se shpesh herë ato janë të njëjtat si tonat.
Libri do të shpërndahet falas nëpër të gjithë vendin dhe kryesisht nëpër shkolla, kurse qëllimi më i madh i projektit “Fëmijët e ndryshëm të Bullgarisë” është një ngjarje e vazhdueshme për grumbullimin e parave për blerjen e kolovajzave speciale-peshore, të përshtatura për fëmijët në karrige me rrota. Deri në këtë moment ka të prodhuara dhe të montuara 15 pajisje të tilla, në sajë të përpjekjeve të Anna Jonçevës. Premiera e librit “Të njihemi me “fëmijët e ndryshëm” të Bullgarisë” në Sofje është më 24 prill në kuadrin e Pazarit Pranveror përpara Pallatit Kombëtar të Kulturës .
Përpiloi: Vesella Krësteva
Përgatiti në shqip: Nataniela Vasileva
Një projekt i financuar nga Bullgaria do të rrisë kapacitetet e punonjësve në administratën e Bashkisë së Bulqizës, Shqipëria Lindore, për zhvillimin e turizmit rural dhe malor në rajon, ku banon një pjesë e konsiderueshme e pakicës kombëtare..
Më thuaj çfarë ke në tavolinë që të të them se çfarë je duke festuar. Kështu, me shaka mund të shikojmë kalendarin bullgar të festave nga e kaluara deri në ditët e sotme. E vërteta është se tryeza ka qenë gjithmonë një element shumë i rëndësishëm i jetës..
61 për qind e prindërve në Bullgari mbështesin vaksinat e detyrueshme dhe 95 për qind e mjekëve të përgjithshëm këshillojnë prindërit që të vaksinojnë fëmijët e tyre për t'i mbrojtur ata nga një sërë sëmundjesh. Këtë e tregon një anketim përfaqësues..
Më thuaj çfarë ke në tavolinë që të të them se çfarë je duke festuar. Kështu, me shaka mund të shikojmë kalendarin bullgar të festave nga e kaluara deri..
Një projekt i financuar nga Bullgaria do të rrisë kapacitetet e punonjësve në administratën e Bashkisë së Bulqizës, Shqipëria Lindore, për..