Radioja Kombëtare Bullgare © 2021 Të gjitha të drejtat janë të rezervuara

Viktoria Ruseva në gjurmët e Evropës së ndritshme dhe të çmimit Karli i Madh

Viktoria Ruseva
Foto: arkiv personal

Në çfarë lloje shoqërie duam që të jetojmë? Çfarë na pëlqen në botën rreth nesh dhe si mund ta ndryshojmë drejt më së mirës? Këto janë disa nga pyetjet të cilat ja venë vetes njerëzit e rinj në projektin “Modeli Bashkim Evropian Sofja 2021” - pretendenti bullgar për çmimin evropian të rinisë “Karli i Madh”.

Çmimi i Parlamentit Evropian inkurajon të rinj në moshën midis 16 dhe 30 vjeç të krijojnë projekte dhe të marrin pjesë aktive në zhvillimin e Evropës moderne. Në krye të ekipit bullgar, i cili ka arritur deri tek etapa finale e konkursit, qëndron studentja 22 vjeçare në fushën e politologjisë  në Universitetin e Vjenës, Viktoria Ruseva.

“Në vend të parë, kjo është një platformë e hapur arsimore për një dialog ndërkulturor - sqaron thelbin e projektit bullgar Viktoria. Një nga qëllimet tona bazë, të cilin do ta realizojmë me njerëzit prej dhjetë kombësive, është të popullarizojmë Bullgarinë dhe regjionin. Parashikojmë po kështu të bëjmë një simulim të marrjes së vendimeve në Bashkimin Evropian dhe një punë të përbashkët me nxënësit nga tre shkolla bullgare.”

Projekti “Modeli Bashkim Evropian” ekziston që nga viti 2014 , por për herë të parë përfshin dhe simulimin e Nismës Qytetare Evropiane - një instrument përmes të cilit qytetarët mund të marrin pjesë me ide në procesin legjislativ evropian . Nxënësit e Gjimnazit Profesional  të Telekomunikimeve në Sofje, të gjimnazit të gjuhëve të huaja “Berthold Brecht” dhe të gjimnazit të gjuhëve të huaja “Hristo Botev” në qytetin Kërxhali kanë përpunuar propozime për iniciativat e veta qytetare.

“Të tria idetë, të cilat kanë arritur deri në etapën e votimit në sajtin tonë, prekin probleme në shoqëri, të cilat i interesojnë njerëzit e rinj - sqaron Viktoria. Njëra prej tyre është e lidhur merregullimin e aksesit dhe shitjes së produkteve të nikotinës njerëzve nën 18 vjeç. E dyta ka për qëllim sigurimin e burimeve të nevojshme për të rinjtë dhe përmes mentorimit për t'i drejtuar ata në një drejtim të duhur të karrierës. Kurse propozimi i fundit ka për qëllim ndërtimin dhe formimin e një shoqërie më të hapur në lidhje me temën e homoseksualitetit.”

Votimi për më të mirën nga tre nismat do të vazhdojë deri më 6 maj dhe iniciativa - fituese do të shndërrohet në një propozim legjislativ të Komisionit Evropian gjatë kohës së  konferencës në tetor.

Ja sesi përgjigjet Viktoria në lidhje me pyetjen nëse ka një shoqëri qytetari tek ne:

“Mendoj se ka një bazë jashtëzakonisht të mirë, mbi të cilën të mund të shkelim. Pikërisht kjo ishte një moment i rëndësishëm gjatë kohës së debateve tona me nxënësit - të mund të shikohet se njerëzit e rinj  janë të informuar shumë më mirë, sesa sugjeron opinioni publik për to. Por ata kenë nevojë për një platformë, në të cilën të shqyrtojnë problemet e veta, që të mund të dëgjohet zëri i tyre. Dhe pikërisht këtë po mundohemi që të japim ne - një platformë dhe publicitet të pikëpamjeve dhe kritikave të tyre.”

Fituesi në konkursin “Karli i Madh” do të shpallet gjatë muajit shtator. “Nuk ka rëndësi, nëse projekti ynë do të fitojë çmimin”, është kategorike Viktoria. Sipas fjalëve të saj, vetë nominimi tashmë është një njohje se madje dhe në kohë pandemie mund të rastisin gjëra të shkëlqyera për kaq shumë njerëz jo vetëm tek ne, por dhe në Evropë. Kurse Evropa e saj nesër kalon përmes vetëdijes sot.

“Për ne Evropa e së ardhmes përbën një bashkësi aktive, të bashkuar dhe me të vërtetë të vetëdijshme - shton ajo. Pikërisht ndërgjegjësimi është hapi i parë drejt një shoqërie civile aktive dhe më të mirë, sepse vetëm në këtë mënyrë mund të jemi efektivë në veprimet e veta dhe të mund të arrijmë më tepër dhe më shpejtë. Kurse kjo është me një rëndësi të madhe në situatën të cilën po e përjetojmë sot”.

Përgatiti në shqip: Nataniela Vasileva


Më shumë nga rubrika

Kujdesi shëndetësor elektronik dhe qytetet e urta janë ndër theksat e Bulgarian Digital Week 2021

Më shumë se 150 lektorë nga mbarë bota të bashkuar në 14 konferenca tematike do të ofrojë sivjet Java Digjitale Bullgare (Bulgarian Digital Week 2021) nga 21 deri më 26 qershor. Forumi do të mbahet online dhe do të japë informacion aktual   dhe  do..

botuar më 21-06-20 8.05.PD

43 vendbanime në Bullgari shënojnë Ditën Ndërkombëtare të Jogës

Për vit të shtatë të radhës bota shënon Ditën Ndërkombëtare të Jogës. Data zyrtare është 21 qershor, por ngjarjet të cilat i kushtohen festës zakonisht fillojnë ditë të tëra përpara kësaj. Ashtu si dhe gjatë vitit 2020, ajo do të shënohet në një..

botuar më 21-06-19 11.45.PD

Një ndryshim në tarifat e vizave po diskutohet

Ministri i Jashtëm Svetllan Stoev propozon të rritet nga 60 në 80 euro tarifa që paguajnë shtetasit e vendeve jashtë BE qër të marrë një vizë qëndrimi të shkurtër në Bullgari. Propozimet janë botuar për konsultim publik në faqen e internetit të..

botuar më 21-06-18 1.47.MD