Korridore të gjelbra për vaksinim kundër COVID-19

Që nga sot deri më 9 maj janë të hapura të ashtuquajturat “korridore të gjelbra” për vaksinim kundër Covid-19 pa regjistrim paraprak kryesisht me vaksinën Pfizer/BioNTech. Atyre që dëshirojnë mund t’u jepet edhe vaksina e “AstraZeneca”. Ka gjithsej 26 pika vaksinimi në vend, katër prej të cilave janë në kryeqytet, njoftoi reporterja jonë Milla Mlladenova.

Kaos dhe radha të gjata shkaktuan “korridoret e gjelbra” të vaksinimit

Radhë të gjata prej njerëzish që presin për t’u vaksinuar u formuan përpara qendrave të imunizimit të vendit pasi Ministria e Shëndetësisë shpalli "korridore të gjelbra" për vaksinim që nga 30 prilli deri më 9 maj. Në Sofje, korridore të tilla sigurohen nga spitalet Aleksandrovska, Pirogov, Sveta Anna dhe Akademia Mjekësore Ushtarake. Radhët më të mëdha ishin përpara Spitalit Aleksandrovska. Që të vaksinoheshin, njerëzit prisnin për 3-4 orë, tregoi një inspektim i Radios Kombëtare Bullgare, transmetoi reporterja jonë Nadezhda Nikollova.

Nën 8% janë testet pozitive me Covid-19

1237 janë rastet e reja të koronavirusit në Bullgari, të regjistruara gjatë 24 orëve të fundit, ose 7.6% prej 16 259 testeve të kryera, tregojnë të dhënat zyrtare nga mesnata. Në spitale ka 6824 persona me koronavirus, 682 prej tyre janë në njësitë e kujdesit intensiv. 90 njerëz vdiqën në 24 orët e fundit, 2881 u shëruan. Rastet aktive janë 49 048. Gati 27 000 njerëz janë vaksinuar në 24 orët e fundit. 207 mijë njerëz janë vaksinuar me dy doza.

Në Të Premten e Madhe në tempull duke u respektuar masat anti-epidemike

Në Të Premten e sotme të Madhe besimtarët shkojnë në tempujt ortodoksë. Gazetari ynë Andrej Borisov, i cili vizitoi Katedralen Patriarkale “Shën Aleksandrit Nevski” në Sofje, transmetoi se besimtarët respektojnë masat anti-epidemike, si distanca e nevojshme dhe mbajtja e maskave.

Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.

Përpiloi: Miglena Ivanova

Përgatiti në shqip: Vesella Mançeva