Radioja Kombëtare Bullgare © 2021 Të gjitha të drejtat janë të rezervuara

Covid-19 në Bullgari: Dita e 423

Foto: pixabay

Bojko Borisov: Bullgaria doli nga vala e tretë e Covid-19

Bullgaria doli nga vala e tretë e koronavirusit. Kjo u njoftua nga Kryeministri i dorëhequr Bojko Borisov, duke iu referuar një studimi i Institutit “Robert Koch”.

Ai vuri në dukje se ky rezultat i mirë në vendin tonë u arrit me masa shumë më të lehta sesa në vendet e tjera ku kishte një mbyllje të plotë.

Sipas Institutit “Robert Koch”, vendi ynë tashmë po hyn në zonën në rrezik të infektimit me Covid-19 pasi të dalë nga zona e vendeve me rrezik të lartë.


9 për qind rezultuan pozitivë për koronavirus

631 janë rastet e reja të koronavirusit në Bullgari.

9.38 për qind e 6724 testeve janë pozitive, sipas të dhënave në Portalin e Unifikuar të Informacionit në mesnatë. 56 veta vdiqën me Covid-19 të konfirmuar dhe 726 u shëruan.

6706 pacientë me infeksionin e koronavirusit trajtohen në spital, 649 prej tyre - në njësitë e kujdesit intensiv.

Shumica e rasteve të reja janë në Sofje - 206, Burgas - 43, Plovdiv - 38, Varna - 33.

Në 24 orët e fundit u dhanë 8887 vaksina. Personat total të vaksinuar me dozën e dytë janë 219 833.


Korridoret e gjelbra të vaksinimit mund të zgjaten

Gati 274 000 doza të vaksinës Pfizer-BioNTech kundër Covid-19 u furnizuan në vend këtë mëngjes. Ky preparat, si dhe vaksina AstraZeneca, do të vendosen në korridoret e gjelbra të vaksinimit deri në 9 maj. Ministri i dorëhequr i Shëndetësisë Kostadin Angellov deklaroi në një konferencë se do të bëhet analizë e dozave ekzistuese të vaksinave dhe nëse është e mundur korridoret e gjelbra do të zgjaten.

Ai tha se më 10 maj do të nisë një modul, ku mjekët e përgjithshëm do të jenë në gjendje të kërkojnë numrin e vaksinave që ata dëshirojnë dhe të marrin informacione se kur mund t’i marrin ato. Për momentin, mjekët rreshtohen në radhë të mëdha për të marrë vaksinat e nevojshme.


Hotelierët mbulojnë kostot e testeve PCR të turistëve rumunë

Turistët bullgarë dhe rumunë mbizotërojnë në bregdetin verior të Detit të Zi që nga fillimi i pushimeve të Pashkëve. Këtë e njoftuan hotelierët nga vendpushimet në afërsi të Varnës para BNR. Rumunët janë gjysmë më pak se në vitin 2019. Disa hotelierë filluan të mbajnë koston e testeve PCR të turistëve rumunë, të cilat u kërkohen atyre kur të kthehen në vend. Kjo masë për të tërhequr turistë po mendohet nga hotelierë të tjerë në vend.



Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.


Përpiloi: Miglena Ivanova

Përgatiti në shqip: Svetllana Dimitrova


Më shumë nga rubrika

Nikollaj Denkov

Ministria e Arsimit shpalli katër prioritete

Ministri i përkohshëm i arsimit Nikollaj Denkov njoftoi si prioritet bazë të Ministrisë përfundimin me sukses të vitit shkollor, provimet e maturës shtetërore, vlerësimin e jashtëm kombëtar të nxënësve dhe pranimin e tyre në shkollat pas mbarimit..

botuar më 21-05-17 1.32.MD
Ministri i ri i përkohshëm i Punëve të Brendshme Bojko Rashkov

Shefat e shërbimeve të sigurisë janë me leje

Shteti aktualisht është pa udhëheqje të shërbimeve të sigurisë, paralajmëroi para televizionit bTV Ministri i përkohshëm i Punëve të Brendshme Bojko Rashkov. Rashkov shtoi para bTV-së: "A e dini se sa u sëmurën kur qeveria provizore e mori..

botuar më 21-05-17 11.33.PD

3.5% janë të infektuarit me Covid-19 gjatë 24 orëve të fundit

151 janë rastet e reja të koronavirusit në vend gjatë 24 orëve të fundit. Testet e kryera janë 4309, tregojnë të dhënat zyrtare. 3.5% e mostrave janë pozitive. Më shumë të infektuar ka në Burgas – 2, rrethet e qytetit të Sofjes - 25, Varna - 22...

botuar më 21-05-17 10.29.PD