Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Covid-19 në Bullgari: Dita e 426

Foto: arkiv

Korridoret e gjelbra të imunizimit mbeten edhe pas 9 majit

Më shumë se 270 000 vaksina të reja kundër koronavirusit do të mbërrijnë më 10 maj, në mënyrë që korridoret e gjelbra të vaksinimit të vazhdojnë të punojnë, dha urdhër Kryeministri Bojko Borisov. Gjatë një takimi pune me Ministrin e Shëndetësisë, Kryeministri këmbënguli që çdo sasi e vaksinave që mbërrijnë në Bullgari të shpërndahet sa më shpejt që të jetë i mundur vaksinimi i të gjithë qytetarëve që dëshirojnë. "Lajmi i mirë është se 274 000 doza Pfizer mbërrijnë çdo të hënë të këtij muaji dhe ditën e fundit të muajit, më 31 maj, do të dorëzohet sasia e parë e dyfishtë – 410 000 vaksina. 36,000 vaksina mbërrijnë çdo javë edhe nga Moderna, tha Ministri i Shëndetësisë Kostadin Angellov.


Në kuadrin e një jave të sapo infektuarit me koronavirus janë pakësuar me 44%

545 janë të infektuarit me Covid-19 për 24 orët e kaluara pas 5733 testeve të kryera, sipas Portalit të Unifikuar të Informacionit. 9.5% e mostrave janë pozitive. Më shumë janë të infektuarit në Sofje - 92, pasuar nga rrethet e Burgasit - 86, të Varnës - 50 dhe të Plovdivit - 47. Numri i pacientëve të regjistruar me simptoma të shfaqura është 46 083. Numri i pacientëve të shtruar në spital po vazhdon të ulet dhe tashmë janë 6 138. 587 pacientë po trajtohen në njësitë e kujdesit intensiv. Në 24 orët e fundit 27 njerëz kanë vdekur. Në bazë javore, shkalla e vdekshmërisë është 25%. Të shëruarit në harkun e shënuar kohor prej 24 orësh janë 594. Më 6 maj janë bërë 7130 vaksina. 884 254 janë personat me të paktën një vaksinë. 254 505 persona ose 3.6% e popullsisë së vendit janë imunizuar me dy doza.


Covid-19 pengoi orarin e përgjithshëm të imunizimit

Në betejën me Covid-19 Evropa pothuajse ka harruar se ka epidemi të tjera kundër të cilave ka vaksina. Ky është përfundimi i arritur gjatë Javës Evropiane të Imunizimit (26 Prill - 2 Maj). Të dhënat tregojnë se në disa vende të BE-së dhe në vende fqinje ka epidemi të papara të sëmundjeve të cilat mund të parandalohen me anë të vaksinave. Evropa hyri në pandeminë e Covid-19, pasi mezi ishte përballur me epideminë e fruthit, por deri më tani komuniteti nuk e ka përmbushur kërkesën për mbulimin  e vaksinimit 95%. Mirëpo, sipas Kryeinspektorit Shëndetësor të Shtetit Doc. Angell Kunçev, pandemia e Covid-19 në vendin tonë jo vetëm që nuk e shkeli kalendarin e imunizimit të detyrueshëm, por gjithashtu kufizoi përhapjen e sëmundjeve të tjera infektive.


Të ardhura rekorde megjithë pandeminë

Të ardhurat në Agjencinë Kombëtare të të Ardhurave që nga 28 prilli 2021 janë afro 4.4 miliardë euro, që është më shumë se 450 milion euro më shumë se në të njëjtën periudhë të vitit 2020, njoftoi agjencia. Të ardhurat rekord nga taksat dhe kontributet e sigurimeve shoqërore ndodhin në kushtet e një situate të vazhdueshme pandemike dhe një pagese të shtyrë të taksës së korporatave për qershorin 2021, shpjegoi agjencia.Të ardhurat nga tatimi mbi të ardhurat personale janë mbi 650 milion euro, nga taksat e korporatave janë 250 milion euro dhe nga TVSH 1.8 miliard euro. Rritja më e lartë e të ardhurave është nga taksat e të ardhurave personale - me mbi 12%, e ndjekur nga tatimi mbi vlerën e shtuar - mbi 10%.


Nuk do të importojmë Sputnik V, vendosi Parlamenti

Deputetët refuzuan projektvendimin për furnizimin e vaksinës ruse "Sputnik V" kundër koronavirusit. Propozimi u paraqit nga “BSP për Bullgarinë” pasi nuk arriti të mbledhë votat e nevojshme në parlamentin e mëparshëm.Qeveria e dorëhequr ka deklaruar jo një herë se vendi ynë do të porosiste edhe vaksinën ruse, por vetëm pasi ajo miratohet për përdorim në Bashkimin Evropian.


Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.


Përpiloi: Gergana Mançeva dhe ekipi “Lajme”

Përgatiti në shqip: Vesella Mançeva




Последвайте ни и в Google News Showcase, за да научите най-важното от деня!

Më shumë nga rubrika

Plotësimi i vendeve vakante në ushtri - një synim kryesor në sektorin e mbrojtjes

Plotësimi i numrit të madh të pozitave vakante për personelin ushtarak dhe përmirësimi i statusit dhe motivimit të tyre social - ky synim kryesor është përfshirë në sektorin e mbrojtjes të Programit për Menaxhimin e Bullgarisë në periudhën 2025-2029...

botuar më 25-02-27 10.32.PD

Parashikimi i motit për 27 shkurtin

Temperaturat minimale të enjten do të jenë brenda kufijve të gjerë, nga minus 6° - minus 8° në vendet me mjegull, deri në rreth 5° në zonat ekstreme jugperëndimore të vendit. Në Sofje do të jetë rreth minus 1°. Gjatë ditës, vranësirat do të jenë..

botuar më 25-02-26 7.40.MD
Tomisllav Donçev

Bullgaria do të përpiqet të shpëtojë një pjesë të pagesës së dytë sipas Planit të Rimëkëmbjes

Vendi ynë ka një afat gjashtëmujor deri në fund të gushtit 2025 për të rifilluar procesin e miratimit të ligjeve në lidhje me Planin e Rimëkëmbjes dhe Qëndrueshmërisë në Kuvendin Popullor. Kjo do të bëhet në një përpjekje për të kursyer pjesën më të..

botuar më 25-02-26 6.48.MD